Page 296 - tomas

as Vulf

– Deyirәm! sәn! Elzanı! görәcәksәn?! – sәsi güclәndirmәk
üçün bükülmüş ovucların altından çıxan qulaqbatırıcı bağırtı
kütlәnin uğultusu üzәrindә sәslәnir.

– Hә. Yәqin ki. Biz onunla San-Moritsdә görüşmәliyik.
– Ona de ki, mәktub yazsın.
– Nәә? Sәni eşitmirәm. – eynilә bundan qabaqkı kimi pan-
tomim.
– Deyirәm! ona! de! qoy! mәktub! yazsın! – Yenidәn bağırtı
eşidilir.
– Ah, hә! Hә! – cәld başını tәrpәdib gülümsәyir: – Deyәrәm,
deyәrәm.
– …yoxsa ondan inciyәrәm.
– Necә? Heç nә eşitmirәm, yaman sәs-küydü… – yenә eyni
bәdәn hәrәkәti.
– Deyirәm! ona de! inciyәrәm! Әgәr o! mәnә mәktub yazmasa! –
Perrondakı adam qәsdәn boğazını yırta-yırta bağırır.
Sonra dәrhal hәlә dә onu boğan gülüşdәn silkәlәnәn qadına
bic-bic nәsә pıçıldayan bir kişi yola düşәn tanışına nәsә qışqırmaq
üçün istehzalı gülüşlә döndü, amma qadın ona mane oldu –
gülüşdәn qıpqırmızı qızarmış qadın kişinin әlindәn yapışıb özünü
unutmuş halda inildәdi:
– Yox!.. Yox!..
Amma hırıldamağına davam elәyәn kişi boru kimi bükdüyü
ovuclarını ağzına aparıb bağırdı:
– Valter dayıya de ki, geyinsin öz…
– Nәә? Eşitmirәm? – ovuc qulağın yanındadı, baş bundan
qabaq döndәrilib.
– Deyirәm!.. – kişi qәsdәn zil sәslә qışqırmağa hazırlaşdı.
– Yox!! Yox!! Yox!! Tşşş, – qadın gülüşdәn boğulub onun
әlindәn darta-darta yalvardı.
– …Valter dayı! mütlәq! geyinsin! yun…
– Yox!! Yox!! Yaxşı, yox dә, Haynrix! Tşşş! – qadın uğunub
gedirdi.
– O qalını! üstündә! Berta xalanın onun ad-soyadının! baş
hәrflәrini! toxuduğunu! – kişi rәhmsizcәsinә öz bildiyini elәyirdi.

296