Page 18 - tomas

as Vulf

***

…hә, demәli, onu deyirdim axı... Axşam eşidirәm… bir
sәs… Tfu, gәmi yiyәsi!.. Yenә fitdәdi… qulaq as, bala, sәnә
deyim, bu fitin sәsini eşidәndә, vallah, adam hәrdәn o gәmiyә
minib, baş götürüb buralardan getmәk istәyir… vallah… axı
mәn, sәn deyәn, elә dә qoca deyilәm!.. Mәndәn olsa, elә bu
dәqiqә yola düşәrәm… vә sәnә deyim, bax bu dәqiqә dünyanı
gәzmәkdәn ötrü, üzmәkçün burnumun ucu göynәyir… Hә?..
Bütün ölkәlәri, bizim bütün qohum-әqrәbanın doğulduğu yerlәri,
İngiltәrәni, Fransanı, Almaniyanı, İtaliyanı, elәmi?.. İsveçrәni
görmәyi isә hәmişә arzulamışam… oralar, yәqin, hәr yerdәn
gözәldi... Necә deyirdilәr?.. Tәbiәt xәzinәsi… qulaq as… hә,
bax indi eşidirәm… indi başa düşdüm… Әlbәttә!.. Hә, sәs bax o
tәrәfdәn gәlir... bәs onda gecәykәn gәldiyimiz körpü hayandadı?..

– O, burda, küçәnin qurtaracağındadı. Budu, pәncәrәyә yaxın
gәl, bax. Yadına düşdü, bura necә gәldik?..

– Yadına düşdüyә bir bax… Hәlә bir soruşursan da!.. İlahi?!.
Mәnim elә şeylәr yadımdadı ki, sәn onların bircәciyini belә, bir
kitabda oxuya bilmәzsәn... hәr şey dә olduğu kimi!.. Belә şeylәr
kitablarda yazılmır… olsun ki, nә vaxtsa bu barәdә yazmaq
istәyiblәr… bütün qarşıdurmalar, müharibәlәr barәdә… vә mәnә
elә gәlir ki, bala, nәlәrisә yaza biliblәr... amma nә?.. Ay Allah…
axı onlar bunu öz gözlәriylә görmәyiblәr?!.. Görә dә bilmәzdilәr…
axı o vaxtlar onların bu dünyada heç izi-tozu yox idi?!. Hardan
bilә bilәrdilәr, hәr şey, әslindә, necә olub?!. Odu ki, bütün
kitablarda yazılanlar elә yazılıb, elә bil hәr şey lap çoxdan olub…
ayrı ölkәlәrdә baş verib… onlar hardan bilәydilәr axı, әslindә,
hәr şey necәydi?!. Külәk necә әsirdi, Günәş necә işıq saçırdı,
hәyәtlәrin ocağı necә tüstülәyirdi… anam necә oxuyurdu, suda
pörtlәdilmiş toyuğun tüklәrini necә yolurdu… yağışdan sonra
çay necә daşmışdı… vә çay kәnarıyla müharibәdәn evlәrinә
qayıdan kişilәr yola sarı necә boylanırdılar… biz nә danışırdıq…
necә ölülәrin sәsini eşidirdik… hava necә işıqlaşırdı vә axşam
necә düşürdü… bütün bunlara baxmaq necә mәnim ürәyimi

18