Page 15 - tomas

әbiyyatına kifayәt qәdәr tәsir göstәrmәyi dә bacardı. Hәmvәtәni
C.D.Selincerin, çağdaş nәsrin bir çox tanınmış ustalarının
yaradıcılığında onun tәsirini görmәk mümkündür.

Tomas Vulfun bioqrafları yazıçının tәrcümeyi-halını yazmaqda
çәtinlik çәkmәdilәr, çünki bütün hәyatını әsәrlәrindә әks etdirmişdi.
Onun yazdıqları mövcud zamanın düzgün әksi ilә kifayәtlәnmir,
onu daim “çayların, dağların, okeanların, torpağın zamanı”
maraqlandırır. Yazıçı hadisәlәrin vә adamların gerçәkliklә әlaqәsini
itirmәdәn, eyni zamanda simvolik miqyas qazandığı bәdii mәkan
yaradır. O, “burada vә indi” formulunun әsl dәyәrlәrini üzә
çıxarmağa can atmır, hәmişә nәzәrlәrini bәşәriyyәtin әnәnәvi
humanist ideyalarına doğru çevirir.

Tomas Vulfun әsәrlәrinin materialı hәyatın özündәn götürülüb.
O, öz hәyatını ölkәsinin hәyatı ilә üzvi surәtdә qәlәmә alırdı.
“Dön evinә bax, Mәlәk” romanının son epizodunu xatırlayaq.
Yucin az sonra tәrk elәyәcәyi, bir dә qayıtmayacağı şәhәri dolaşır,
öz keçmişi ilә vidalaşır. Qәfildәn yanında, ölmüş qardaşının
xәyalını görür. “Mәn adları unutmuşam, – Yucin ona şikayәtlәnir. –
Üzlәri unutmuşam. Amma tәfәrrüatlar yadımda qalıb. Ah, Ben,
dünya haradadı?” Qardaşından cavab alır: “Sәnin dünyan –
sәnsәn”.

Tomas Vulf öz dünyasını әsәrlәrindә yaratdı. Hәmin әsәrlәrsә
dünya durduqca yaşayacaq vә sevilәcәk.

Nәriman Əbdülrәhmanlı

15