Page 140 - tomas

as Vulf

dul qadın üzmәk bilirdi. Bәlkә dә, heç onlarçün xüsusi tәhlükә
yox idi, amma ikisi dә ölümcül qorxmuşdu, qulaqlarına su
dolmuş, başlarını itirmişdilәr. Nәhayәt, sahilә çatanda qadın
heydәn düşdü. Ayaqlarını suda unudub, islanmış Frina1 kimi
xırıltılı nәfәs ala-ala sәrәlәnib qaldı. Baskom da dişlәrini şaqqıldada-
şaqqıldada keyimiş ayaqları üzәrindә dayanmışdı; onun sallaq
çiyinlәrindәn, uzun, iri qollarından, damarlı qıçlarından fasilәsiz
su axırdı; nitqi tutulmuşdu, dişlәri bir-birinә dәyir, qorxudan
özündәn su buraxırdı. Nәhayәt, dul qadın islanmış gözәl bәdәnini
tәrpәdib xırıltılı sәslә çağırdı:

– Mister Hok! Mister Hok! Mәni aparın, mister Hok!
Elә hәmin dәqiqәdә dәhşәtli әsinti Baskomun sifәtini әydi.
Ağzını açdı, amma sözlәr gәlmirdi, hәr iki yumruğunu silkәlәdi,
amma sözlәr gәlmirdi. Dayım nifrinlәrini göylәrә ucaldır, amma
sözlәr yenә gәlmirdi. Gücünü toplayıb, söz cәbbәxanasına bel
bağlayaraq çılğıncasına dillәndi:
– Kaş B.T. burada olaydı! Kaş onun dili mәndә olaydı! Lap
kәskin deyәrdim!

***

Baskom dayıyla dul qadın arasındakı sevgi macәrası belә
bitdi.

Onda iyirmi yaşım vardı, Yeni İngiltәrәdә birinci ilim gedirdi,
qış da sonsuz görünürdü. Adamların basırığında darıxır, hәyat
küçәlәrindә özümü narahat hiss elәyirdim.

Hәmin il dayımın yanına tez-tez gedirdim.
Hәrdәnbir dolaşıq hüquqi sәnәdlәr üzәrindә qurdalandığı
tozlu daldalanacağına gәlirdim: dodaqlarını bәrk-bәrk sıxıb, әzab-
әziyyәt dolu ehtiyatla hәrflәri düz, aydın şәkildә yaza-yaza boş
qrafaları doldururdu. Başını qaldırmadan ahәngdar tәrzdә mәnә
deyirdi:

1Frina – kurtizan qadın, Praksitelin “Knidli Afrodita”sının әfsanәvi
modeli

140