Page 97 - talesiz

TALESİZ 97

kifayәt qәdәr çılpaq görünür; buradan nә futbol meydan-
çasının, nә bostanın, nә çәmәnliyin, nә gül-çiçәk lәklә-
rinin әtri, qoxusu gәlirdi. Әvәzindә heç bir bәzәyi
olmayan, bayır tәrәfdәn nataraz әl damına oxşayan taxta
barak vardı. Hәr şeydәn göründüyü kimi, bizim evimiz
elә bu olasıydı. Amma öyrәndim ki, ora girmәyә yalnız
yatmaq vaxtı icazә verilir. Eyni cür baraklar burada kefin
istәyәn qәdәrdi; bizimkinin önü vә arxası boyunca bir-
birindәn eyni mәsafәdә sonsuzluğa qәdәr sıralanıb
gedirdi. Onların arxasındakı xәtt boyunca isә enli,
gözqamaşdırıcı şose uzanırdı: görünür, hamamdan çıxıb
gәldiyimiz yolda eynәn bu cür daha bir şose dә vardı,
sadәcә bu nәhәng genişlikdә yollar, meydanlar vә tikililәr
aydın seçilmәdiyi üçün hәr şey bir-birinә qarışmış, әn
azından, artıq mәnim gözümdә dolaşmağa başlamışdı.

Şosenin barakların arasındakı küçәlәrlә kәsişdiyi
yerdә girişlәri bağlayan nazik şlaqbaumlar qoyulmuşdu;
ağ-qırmızı rәngli bu şlaqbaumlar uşaq oyuncağına
bәnzәyirdi. Sağ tәrәfdә isә artıq bizә tanış olan mәftil
hasar uzanırdı. Bilәndә ki, mәftil hasara elektrik cәrәyanı
buraxılıb, heyrәtdәn gözüm kәllәmә çıxdı; yalnız indi
fikir verdim ki, beton dirәklәrә evdә olarkәn gördüyüm
teleqraf dirәklәrindәki, yaxud mәftil çәkilәn divarlardakı
kimi, xeyli ağ aşıq bәrkidilib. Bilәn adamlar deyirdi ki,
bu cәrәyan adamı yerindәcә öldürür; ümumiyyәtlә isә,
mәftil hasarın yanındakı ensiz qum zolağına ayaq basmaq
kifayәt idi ki, heç bir xәbәrdarlıq etmәdәn, bir kәlmә söz
demәdәn gözәtçi qüllәsindәn atәş açıb sәni güllәlәsinlәr
(qüllәlәri bizә göstәrdilәr: bu, mәnim hәlә stansiyada
olarkәn gördüyüm, ovçu pusqusuna bәnzәtdiyim hәmin
tikililәr idi); tәcrübәli yaşlılar böyük hәvәslә vә
çoxmәnalı şәkildә biz tәzәlәri hәlә çox belә şeylәrdәn
çәkindirirdilәr.