Page 62 - talesiz

İMRE KERTES

mehriban görünürdü. Soruşdu ki, sәnәddәn-filandan

nәyin var? Hәrçәnd bundan sonra möhürlü kağızımın

onun üzündә hansısa tәәssürat oyatdığının heç bir

әlamәtini sezmәdim. Düzü, buna bәrk tәәccüblәndim,

lakin hesab etdim ki, yaxşısı budur, narazılığımı dilә

gәtirmәyim (әn başlıcası, ona görә ki naqqa balığınkına

bәnzәr bığları olan jandarmın әl hәrәkәtini görmüşdüm

vә bu hәrәkәtdә çox aydın eyham vardı: nә qәdәr ki

sağsan, yum ağzını, yummasan, sәninçün pis olacaq).

Sonra jandarmlar bizi kazarmadan çıxartdılar vә

çәllәyә seld dolduran kimi, әvvәlcә bir neçә vaqondan

6262 ibarәt xüsusi tramvaya tәpdilәr, sonra Dunaya gәtirib
gәmiyә mindirdilәr, bir müddәtdәn sonra isә gәmidәn

düşürüb piyada harasa apardılar. Belәcә, mәn kәrpic za-

vodunda, lap dәqiqi (bu barәdә ora çatandan sonra

eşitdim) Budakalasdakı kәrpic zavodunda peyda oldum.

Almaniyada işlәmәk üçün növbәyә yazıldığımız

gün qarşıdakı sәfәr barәdә çox şey öyrәnmişdim. Avropa

şurasının sarğılı adamları (onlar orada da çox idilәr)

bizim istәnilәn sualımıza hәvәslә cavab verirdilәr. İlk

növbәdә, Almaniyaya cavan, subay, tәşәbbüskar kişilәr

tәlәb olunurdu. Amma özüm dә eşidirdim, maraqlanan-

ları onlar bu cür sakitlәşdirirlәr ki, qәti narahat olmayın,

orada qadınlara da, uşaqlara da, qocalara da yer tapılar,

üstәlik, yola düşәnlәr özlәriylә yemәk şeylәrini götürә

bilәrlәr. Onların fikrincә, әn başlıca mәsәlә bu idi: biz öz

aramızda dil tapıb hәr şeyi adam balası kimi, qarşılıqlı

razılaşma şәklindә yoluna qoya bilәrikmi, yoxsa gözlә-

yәcәyik ki, bizim әvәzimizә bunu jandarmlar etsinlәr?

Bizә izah elәdiklәrinә görә, mәsәlә ondaydı ki, göndә-

rilәcәk adamların lazımi sayı nә cür olur-olsun, yığıl-

malıydı, әgәr lazımi qәdәr adam yığılmasa, onda

jandarmlar öz istәdiklәri kimi seçim aparacaqlar. Bir

sözlә, mәn dә daxil olmaqla, bizimkilәrin әksәriyyәti belә