Page 204 - talesiz

İMRE KERTES

diyini anladı. Onun adını da dedi: mәn әvvәlcә Bauş
eşitdim, sonra bir az fikirlәşib qәrara gәldim ki, yәqin,
Boquş daha doğru olar. Yeri gәlmişkәn, mәnim tәzә
qonşum da onun adını belә tәlәffüz edirdi. Palatada
xәstәlәr ara-sıra dәyişirdi; qonşuluğumdakı ikinci yarusa
Petka bu günlәrdә yeni xәstә – tәxminәn mәn yaşda bir
oğlan gәtirmişdi. Sonradan onun da yәhudi olduğunu
öyrәndim. Amma polyak dilindә danışırdı. Petka da,
Zbışek dә onun adını Kuxalski, yaxud Kuxarski kimi
tәlәffüz edirdilәr. Onlar bәzәn oğlanla zarafatlaşır, daha
doğrusu, onu qәsdәn qıcıqlandırırdılar. Oğlanın tez-tez
hirslәnmәsi (hәr halda, onun sürәtli, hәyәcanlı
204 danışığından, acıqlı sәsinin tez-tez qırılmasından vә
arakәsmәnin deşiklәrindәn üzümә yağan tüpürcәk
yağışından bu qәnaәtә gәlirdim) bizim palatadakı
polyakları son dәrәcә әylәndirirdi. Yanımda bir vaxt mәn
yaşlarda, әslәn macar olan xәstәnin yatdığı çarpayıda da
yeni xәstә peyda olmuşdu. Әvvәlcә nә yuvanın quşu
olduğunu anlaya bilmәdim. Doğrudur, Petkayla bir-birini
yaxşı başa düşürdülәr. Bununla belә, neçә müddәtdәn bәri
qazandığım tәcrübә onun heç dә polyak olmadığını
pıçıldayırdı mәnә. Onda tәzә gәlәnlә macar dilindә
danışmağa cәhd elәdim, cavab vermәdi. Uzun, kürәn
saçları, keçmişdәki tәminatlı hәyatından xәbәr verәn
kifayәt qәdәr dolğun bәdәni, çillәri burnunun әtrafına
sәpәlәnmiş sifәti vә mavi gözlәrinin hәr şәraitә uyğunlaşan
baxışları daxil olmaqla, hәr şey mәnә o saat şübhәli
görünmüşdü.

Yeni gәlәn çarpayıda oturub yerini rahatlayarkәn
bilәyinin iç tәrәfindә göyümtül işarәlәr gördüm: Osven-
simdәki yeddirәqәmli nömrә idi. Amma bir sәhәr qәfildәn
qapı açıldı vә Boquş (bu artıq adәt halını almışdı, hәftәdә
bir-iki dәfә mәnә sovqat gәtirir, sonra isә tәşәkkür
elәmәyimә imkan vermәdәn çıxıb gedir, qapıya tәrәf yol-
lananda Petkaya tәlәsik başını yellәyirdi) gәtirdiyi çörәk