Page 190 - talesiz

İMRE KERTES

macar dilini bilmirdi, ümumiyyәtlә, mәni eşitmirdi. Üzü-

mü çevirdim, yenidәn bayaqkı düşüncәlәrimә dalmağa

hazırlaşırdım ki, birdәn sakit, amma aydın cavab eşitdim:

“Hә”. Bu sözü onun dediyinә heç bir şübhәm yoxdu, hәr-

çәnd nә gözlәrini açdı, nә dә yerindәn qımıldandı. Mәnsә

bu cavabdan axmaq kimi elә sevinmişdim ki, bir anlıq

ondan nә istәdiyimi belә unutdum. “Hardansız?” – deyә

soruşdum vә o, qısa, amma mәnә uzun görünәn pauzadan

sonra: “Budapeştdәn”, – dedi. “Bәs sizi nә vaxt?..” –

maraqlandım vә sәbrimi basıb cavab gözlәdim. Dedi:

“Noyabrda...” Nәhayәt, әsas mәsәlәni soruşdum: “Bәs

190 burda yemәk verirlәr?” Bir az keçәndәn sonra (görünür,
bunun da әsaslı sәbәbi vardı): “Yox...” – dedi. Yenә nәsә

soruşmaq istәyirdim ki, Pfleger yenidәn içәri girdi vә düz

qonşumun üstünә gәldi. Onu adyala bükdü vә kifayәt

qәdәr ağır olan bu adamı (mәn ona indi daha yaxşı fikir

verә bildim) çox yüngülcә çiyninә atıb qapıya tәrәf

yönәldi; ağzım açıla qalmışdı. Onun qarnından yapışqanı

qopmuş kağız sarğının bir parçası sallanırdı, sanki әlini

yellәyәrәk mәnimlә vidalaşırdı. O andaca bәrkdәn

taqqıltı sәsi gәldi, ardınca fışıltı qarışıq elektrik şıqqıltısı

eşidildi. Sonra bir sәs gәldi: “Friseure zum Bad, Friseure

zum Bad” – yәni: “Bәrbәrlәr hamama, bәrbәrlәr hama-

ma”. Sözlәr aydın tәlәffüz olunmurdu, amma bütövlükdә

qulağa xoş gәlәn, bir az hiylәgәr, mәn deyәrdim, hamar,

yumşaq, melodik sәsdi. O sәslәrdәn ki, eşidәndә sanki

danışanın baxışlarını hiss elәyirsәn. Amma ilk anda o,

mәni elә karıxdırdı ki, az qaldım çarpayıdan yıxılam.

Onu da gördüm ki, bu hadisә digәr xәstәlәri bir

qәdәr әvvәl mәnim palatada peyda olmağım qәdәr

hәyәcanlandırıb. Düşündüm ki, yәqin, belә elanlar burada

adi, әhәmiyyәtsiz şey sayılır. Qapının üstündә sağ

tәrәfdәki çox da böyük olmayan qәhvәyi qutunu çoxdan