Page 188 - talesiz

İMRE KERTES

altında isә yavaş-yavaş anlayacağın bir yazı var: “Waffen
SS”1. Sifәtlәrә gәlincә isә, onlarda hansısa bir nişanә,
hansısa maraq, peşmançılıq, sevinc, dilxorçuluq (bir
sözlә, sәnin gәlişindәn sonra yaranmış) işarәlәri axtararaq
diqqәtlә tamaşa elәyirsәn. Axı sәnin bura gәlişin elә-belә
dә olsa, ancaq bir hadisә (hәr halda, özünә elә gәlir), bir
yenilikdir vә uzandıqca daha da anlaşılmaz, hәtta
deyәrdim ki, müәyyәn mәnada müәmmalı hal alan bu
sakitlik, etinasızlıq, heç şübhәsiz, burada keçirәcәyin
müddәtdә yaşadığın hәr an tәsәvvüründә yaranan qeyri-
adi tәәssürata çevrilir. Ardınca, çarpayılarla әhatә
olunmuş dördbucaq boş sahәdә üstünә ağ örtük salınmış
188 çox da böyük olmayan masa görürsәn. Üzbәüz divarın
dibinә nisbәtәn iri masa qoyulub, әtrafında da söykәnә-
cәkli stullar var. Qapının yanındakı iri soba içindә alov
çartıldaya-çartıldaya qәşәngcә yanır, yanında isә ağzına-
can kömürlә dolu qara yeşik var.

Onda baş sındırmağa başlayırsan ki, bütün bunlar
nәdir axı? Yәni bu palata nә üçündür, bu adyallar, bu
çarpayılar, bu sәssizlik zarafatdır, ya gerçәk? Ağlına hәr
cür qәribә şeylәr gәlәcәk, yaddaşını qurdalayacaqsan, әn
ağlagәlmәz nәticәlәr arasında zәncirvarı әlaqә axtara-
caqsan, nә zamansa eşitdiklәrini çeşidlәyib tutuşdura-
caqsan.

Ola bilәr (belә düşünәcәksәn; mәn dә belә düşün-
müşdüm) ki, bura haqqında hәlә Osvensimdә eşitdiyimiz
yerlәrdәn biridir. Belә yerlәrdә xәstәlәrә yaxşı qulluq
edir, әtlikdәki kimi yedirdib-içirdir, sonra da elmi
araşdırma üçün damarlarına qәdәr bütün iç orqanlarını
çәkib çıxarırlar. Amma, әlbәttә ki (bunu da etiraf elәmәyә
bilmәzsәn), bu, bir ehtimaldır, mümkün imkanlardan
yalnız biridir. Üstәlik, әtlikdәki kimi yemlәnmәk dә hiss

1 Waffen SS – SS ordusu (alm.)