Page 45 - Stiven Kinq

Ölü zona

– Aman Allah. Gedәk evә, – o, nәvazişlә qızın әlindәn tut-
du.

– Pullarını ala bildin?..
Conni karıxmış halda әlindәki pullara baxdı vә onu şalvarının
cibinә qoydu.
– Hә. Amma bilmirәm, hamısıdır, ya yox. Pulları o yekәpәr
kişi sayırdı.
Sara çantasından yaylıq çıxarıb dodaqlarını sildi. “Bir udum
su olsaydı”, – düşündü. Bir azca su üçün hәr şeydәn keçәrdi.
– Ehtiyatlı ol, – o dedi, – az pul deyil.
– Qumardan gәlәn pul bәdbәxtlik gәtirir, – Conni tutqun
halda dedi. – Anamın sözlәridir. O, milyonlarla belә söz bilir.
Özünün dә qumar oyunlarından zәhlәsi gedir.
– Tәpәdәn-dırnağa baptistdir, – Sara dedi vә ağrıdan ufuldadı.
– Sәnә nә olub? – Conni narahatlıqla soruşdu.
– Titrәdirәm, – o, cavab verdi, – maşını yaxşı-yaxşı isidәrsәn...
ah, ilahi, yenә dә...
Sara üzünü döndәrdi vә mәdәsindә olan-qalan nә vardısa,
hamısını qaytardı. Ayaq üstә güclә dayanırdı. Conni onu ehtiyatla,
amma bәrk tutmuşdu.
– Maşına qәdәr özün gedә bilәcәksәn?
– Hә, indi yaxşıyam, – demәsinә baxmayaraq, Saranın başı
bәrk ağrıyırdı, ağzı zәhrimar dadırdı, sümüklәri elә ağrıyırdı ki,
elә bil oynaqlardan çıxarılmışdılar.
Onlar yerә tökülmüş yonqarları ayaqları ilә sovuraraq, yavaş-
yavaş mәrkәzi xiyabanla gedirdilәr. Artıq yığışdırılmış vә bağlanmış
çadırların yanından ötdülәr. Arxalarınca namәlum bir kölgә
sürünürdü. Conni cibindәki pulun miqdarını xatırlayıb narahatlıqla
әtrafa boylandı.
Bu, hәmin yeniyetmәlәrdәn biri idi, haradasa on beş yaşı
olardı. O, çәkinә-çәkinә gülümsündü.
– Özünüzü necә hiss edirsiniz? – O, üzünü Saraya tutdu: –
Bu, sosiskadan ola bilәrdi. Yәqin, xarab olmuş sosiska yemisiniz.
– Ola bilsin.
– Onu maşına aparmaq üçün sizә kömәk lazımdırmı? –
Yeniyetmә Connidәn soruşdu.

45