Page 203 - Stiven Kinq

Ölü zona

– İstәyirsinizsә, qayıdaq.
Əlbәttә, istәyirdi. Evә dönmәk vә bütün bu dәhşәtlәri
unutmaq istәyirdi. Axı o, niyә gәldi? Bunların görmәli olduğu işi
görürsәn, әvәzindә isә sәni ikibaşlı inәk adlandırırlar.
– Yox, artıq özümü yaxşı hiss edirәm.
Qapıdan aralandılar, külәk arxalarından itәlәyib, onları
adamsız küçәnin novalçasına salmaq istәyirdi. Onlar çәtinliklә
hәrәkәt edirdilәr, qar basmış fәnәrlәr külәkdә yellәnәrәk, onların
gözünә işıq salırdı. Yan küçәyә dönüb, xeyli getdikdәn sonra
Bannerman sәliqәli ikimәrtәbәli qutuyabәnzәr evin qarşısında
dayandı. Qonşu evlәr kimi, bu evin dә qapıları bağlı idi vә sanki
qara gömülmüşdü.
– Bu evdir, – Bannerman sönük sәslә dedi. Onlar artırmanın
önündәki qar tәpәciklәrini aşıb, pillәkәnlә yuxarı qalxdılar.
Bannerman qapını döyәrkәn, Conni ağrılarını azaltmaq üçün
ayağının birini qoyub, birini götürür vә düşünürdü ki, bu gecә
heç vaxt qurtarmayacaq, uzandıqca ucanacaq vә gecә әrzindә
yığılmış böyük qar tәpәlәri uçub, hamını öz altına alacaq. Haradasa
beş dәqiqәdәn sonra qapı açıldı.
Henrietta Dodd son dәrәcә böyük ölçülәri olan bir qadın
imiş – әtdәn olan әsl dağ. Conni ilk dәfәydi ki, bu qәdәr iyrәnc
vә xәstәhal görkәmli insan görürdü. Onun dәrisi sarımtıl-boz
rәngә çalırdı. Kәrtәnkәlә pәncәsinә bәnzәyәn әllәri ekzema
xәstәlәrininki kimi çopur idi. Şişkin göz qapaqları arasından
uzunsov gözlәri parıldayırdı. Dini transa düşdüyü vaxtlarda
anasının da gözlәri bu cür parıldayırdı.
– Gecәnin yarısında sizә nә lazımdır, Corc Bannerman? –
Miss Dodd butulkaya düşmüş arı vә ya milçәk sәsinә bәnzәyәn
sәsiylә soruşdu. Adәtәn gonbul arvadlar bu sәslә danışır.
– Mәn Frenklә danışmalıyam, Henrietta.
– Sәhәr danışarsınız, – Henrietta Dodd qapını onların üzünә
örtmәk istәdi.
Bannerman әliylә qapını tutdu.
– Bağışlayın, Henrietta. Tәcilidir.
– Onu oyatmaq? Nә danışırsınız? – Qadın qapıdan çәkilmәdi. –
O, ölü kimi yatıb! Hәrdәn gecәnin yarısı taxikardiyam tutur,

203