Page 202 - Stiven Kinq

ven Kinq

– Bәs boynuna almasa necә?
Conni oturacaqların yanında gözünә görünәn xәyalları
xatırladı. Onlar ölümsaçan bumeranq kimi sürәtlә onun üstünә
cummuşdular. Cırılan paltarın sәsi. Yaddaşında sıxacın ağrılarını
canlandıran yumşaq, sızıltılı ağrı. Hәr şeyi izah edәn ağrı.

– Onu şalvarını aşağı salmağa mәcbur edin, – Conni dedi.

Reportyorlar hәlә dә vestibüldә toplaşmışdılar. Onlar mәsәlәnin

belә tezliklә çözülәcәyini vә ya, heç olmasa, işdә dönüş yaranacağını

heç ağıllarına da gәtirmirdilәr. Sadәcә olaraq, qarın ucbatından

yollar keçilmәz olmuşdu.
– Siz dürüst qәrar qәbul etdiyinizә әminsinizmi? – Külәk

Conninin sözlәrini әtrafa yayırdı. Onun ayaqları ağrımağa
başlamışdı.

– Yox, – Bannerman sadә cavab verdi, – amma sizin burada
olmağınızı istәrdim. Conni, düşünürәm ki, onunla göz-gözә
gәlmәniz yaxşı olardı. Getdik, Doddlar iki mәhәllә o yanda
olurlar.

Onlar qar-boran içәrisindә irәlilәyirdilәr. Kapyuşonlu iki
kölgә. Bannermanın gödәkcәsinin altında tapança vardı. Qandalları
kәmәrinә bәrkitmişdi. Heç bir mәhәllәni keçmәmişdilәr, amma
Conni artıq әmәlli-başlı axsamağa başlamışdı, baxmayaraq ki,
bu barәdә heç nә demirdi.

Ancaq Bannerman onun axsadığını gördü. Onlar Kasl-Rok
nәqliyyat agentliyinin qapısı önündә dayandılar.

– Sizә nә olub, dostum?
– Heç nә, – Conni dedi. – Budur, indi dә başım ağrımağa
başladı.
– “Heç nә” nәdir? Sizә baxanda düşünmәk olar ki, hәr iki
ayağınız sınıb.
– Mәn komadan ayılandan sonra hәkimlәr ayaqlarımda
cәrrahiyyә әmәliyyatı aparmalı oldular. Əzәlәlәrim ölgünlәşmişdi.
Doktor Braunun dediyi kimi, әrimәyә başlamışdı. Oynaqlarım
da pis gündәydi. Mümkün olan hәr şeyi sintetikayla әvәzlәdilәr...
– Hәmin o altı milyona tәmir edilmiş tip kimi?
Conni evdәki stolun yuxarı siyirtmәsindәki sәliqәylә qalaq-
lanmış xәstәxana hesab kağızlarını xatırladı.
– Nәsә buna bәnzәr bir şey. Uzun müddәt ayaq üstә qalanda,
onlar taxta kimi olur. Vәssalam.

202