Page 105 - Stiven Kinq
P. 105
Ölü zona
– Onu mәnә ver görüm! – Conni dedi.
Düsso medalı ona verdi. Conni onu ovucuna aldı. Bu,
üzәrindә müqәddәs Xristoforun tәsviri olan bir medal idi. Conni
nazik zәnciri әlindәn buraxdı vә o, quru xışıltıyla ovcunda sarı
tәpәciyә çevrildikdәn sonra ovcunu sıxdı.
Araya ölü sükut çökdü. Qapının önündә bir dәstә hәkim vә
tibb bacısı dayanmışdı; xәstәxanadan buraxılmış, evә getmәyә
hazırlaşan vә buna görә dә adi paltarda olan bir neçә keçmiş
xәstә dә onlara qoşulmuşdu. Stolüstü oyunlar oynanılan vә
televizor qoyulmuş istirahәt otağına aparan dәhlizin o başında da
xәstәlәr toplaşmışdı. Əsas qapıdan xәstәxanaya gәlәn adamlar
da oraya yönәldilәr. Havada bir gәrginlik hiss olunurdu; sanki
yaxınlıqdan yüksәkgәrginlikli elektrik xәtti keçirdi.
Əynindә ağ köynәk vә gen cins şalvar olan arıq, bәnizi
soluxmuş Conni kirimişcә durmuşdu. O, medalı sağ әlindә elә
bәrk sıxmışdı ki, qabarmış venaları televiziya yupiterlәrinin
işığında aydın görünürdü. Tünd kostyum geymiş Düsso sakit,
heç vaxt sәhvә yol vermәyәn, sәrt üzlü hakim kimi onun önünü
kәsdirib durmuşdu. Sanki zaman dayanmışdı. Nә bir öskürәk, nә
dә pıçıltı sәsi eşidilirdi.
– O-o, – Conni sakitcә dedi... vә sonra, – belә de...
Onun barmaqları yavaş-yavaş açıldı. O, Düssoya baxdı.
– Hә, nә oldu? – Düsso soruşdu. Amma onun sәsi tamam
dәyişilmişdi; bütün aqressivliyi qәfildәn yoxa çıxmışdı. İndicә
reportyorların suallarını cavablandıran yorğun, әsәbi gәnc dә
dәyişilmişdi. Conninin üzündә buz kimi soyuq, gülümsәmәyә
bәnzәr bir ifadә yarandı. Onun mavi gözlәri tutqun bir rәng aldı,
baxışları soyuq vә sәrt bir hala gәldi. Veyzakın tüklәri biz-biz
olmuşdu. O, sonralar danışırdı ki, hәmin an Conninin üzü güclü
mikroskopla ayaqqabı infuzorisinin maraqlı nümunәsini müşahidә
edәn adamın üzünә bәnzәyirdi.
– Bu, sizin bacınızın medalıdır, – Conni üzünü Düssoya
tutaraq dedi, – onun adı Annaydı, amma onu Terri çağırırdılar. O,
sizin böyük bacınız idi. Onu çox istәyirdiniz. Onun ayaq basdığı
torpağı öpmәyә hazır idiniz.
Qәfildәn Conni Smitin sәsi inanılmaz dәrәcәdә dәyişildi.
Bu, artıq uca, arada kәsilәn, qәtiyyәtsiz yeniyetmә oğlan sәsi idi.
105
– Onu mәnә ver görüm! – Conni dedi.
Düsso medalı ona verdi. Conni onu ovucuna aldı. Bu,
üzәrindә müqәddәs Xristoforun tәsviri olan bir medal idi. Conni
nazik zәnciri әlindәn buraxdı vә o, quru xışıltıyla ovcunda sarı
tәpәciyә çevrildikdәn sonra ovcunu sıxdı.
Araya ölü sükut çökdü. Qapının önündә bir dәstә hәkim vә
tibb bacısı dayanmışdı; xәstәxanadan buraxılmış, evә getmәyә
hazırlaşan vә buna görә dә adi paltarda olan bir neçә keçmiş
xәstә dә onlara qoşulmuşdu. Stolüstü oyunlar oynanılan vә
televizor qoyulmuş istirahәt otağına aparan dәhlizin o başında da
xәstәlәr toplaşmışdı. Əsas qapıdan xәstәxanaya gәlәn adamlar
da oraya yönәldilәr. Havada bir gәrginlik hiss olunurdu; sanki
yaxınlıqdan yüksәkgәrginlikli elektrik xәtti keçirdi.
Əynindә ağ köynәk vә gen cins şalvar olan arıq, bәnizi
soluxmuş Conni kirimişcә durmuşdu. O, medalı sağ әlindә elә
bәrk sıxmışdı ki, qabarmış venaları televiziya yupiterlәrinin
işığında aydın görünürdü. Tünd kostyum geymiş Düsso sakit,
heç vaxt sәhvә yol vermәyәn, sәrt üzlü hakim kimi onun önünü
kәsdirib durmuşdu. Sanki zaman dayanmışdı. Nә bir öskürәk, nә
dә pıçıltı sәsi eşidilirdi.
– O-o, – Conni sakitcә dedi... vә sonra, – belә de...
Onun barmaqları yavaş-yavaş açıldı. O, Düssoya baxdı.
– Hә, nә oldu? – Düsso soruşdu. Amma onun sәsi tamam
dәyişilmişdi; bütün aqressivliyi qәfildәn yoxa çıxmışdı. İndicә
reportyorların suallarını cavablandıran yorğun, әsәbi gәnc dә
dәyişilmişdi. Conninin üzündә buz kimi soyuq, gülümsәmәyә
bәnzәr bir ifadә yarandı. Onun mavi gözlәri tutqun bir rәng aldı,
baxışları soyuq vә sәrt bir hala gәldi. Veyzakın tüklәri biz-biz
olmuşdu. O, sonralar danışırdı ki, hәmin an Conninin üzü güclü
mikroskopla ayaqqabı infuzorisinin maraqlı nümunәsini müşahidә
edәn adamın üzünә bәnzәyirdi.
– Bu, sizin bacınızın medalıdır, – Conni üzünü Düssoya
tutaraq dedi, – onun adı Annaydı, amma onu Terri çağırırdılar. O,
sizin böyük bacınız idi. Onu çox istәyirdiniz. Onun ayaq basdığı
torpağı öpmәyә hazır idiniz.
Qәfildәn Conni Smitin sәsi inanılmaz dәrәcәdә dәyişildi.
Bu, artıq uca, arada kәsilәn, qәtiyyәtsiz yeniyetmә oğlan sәsi idi.
105
