Page 662 - Patrik Modiano "Seçilmiş əsərləri"

Ïàòðèê Ìîäèàíî

– Mәn dә neçә dәfә atmaq istәmişәm, – alışqanla siqaretini
yandırıb әlavә elәdi. – Amma alınmır…

– Bәs siqaretdәn daha öskürmürsüz?
Deyәsәn, sualımdan bir qәdәr tәәccüblәndi.
– Mәn siqareti atdım, çünki çәkәndә öskürürdüm, – dedim.
O, sözümә heç cür reaksiya göstәrmәdi. Deyәsәn, mәni
hәqiqәtәn tanımırdı.
– Hayıf ki, dairәvi şosenin sәsi eşidilir, – mәn dedim.
– Doğrudan? Mәn öz evimdә bunu eşitmirәm… Baxmayaraq
ki, dördüncü mәrtәbәdә yaşayıram.
– Dairәvi şosenin öz üstünlüklәri var, – mәn davam elәdim. –
Bax mәn bura sahilyanı Turneldәn cәmi onca dәqiqәyә gәlib çatdım.
Amma bu sözlәrin dә tәsiri olmadı; onda heç bir tәәssürat
yaranmadı. O, hәlә dә soyuq-soyuq gülümsәmәyindә idi.
– Siz Dariusun dostusunuz? – soruşdu.
Eyni sualı mәnә liftdәki qadın da vermişdi.
– Yox, – dedim. – Mәn Dariusun tanışlarından birinin dos-
tuyam… Jaklinin dostu…
Tez dә onun baxışından yayınıb, gözümü aşağı, ağacların
altındakı fәnәrlәrdәn birinә zillәdim.
– Mәn onu tanımıram.
– Siz bütün yayı Parisdә keçirәcәksiniz? – soruşdum.
– Gәlәn hәftә әrimlә Mayorkaya gedәcәyik.
Mәn o qış günü Sen-Mişel meydanında bizim ilk görüşümüzü
vә Jaklinin әlindәki mәktubu, üstündә “Mayorka” sözünü
oxuduğum konverti xatırladım.
– Sizin әriniz detektiv romanlar yazır?
Şaqqanaq çәkdi. Qәribәdir ki, Jaklin qabaqlar heç vaxt belә
gülmürdü.
– Siz niyә elә düşünürsünüz ki, mәnim әrim detektiv romanlar
yazır?