Page 666 - Patrik Modiano "Seçilmiş əsərləri"

Ïàòðèê Ìîäèàíî

– Evә gedәkmi? – Kesli arvadının çiyinlәrini qucaqladı; onun
nataraz fiqurunun fonunda arvadı tamamilә cılız görünürdü.

– Mәn dә gedirәm, – dedim.
– Dariusla xudahafizlәşmәk lazımdır.
Biz onu terrasdakı qonaqların arasında bir xeyli axtarandan
sonra qonaq otağına düşmәli olduq. Otağın dәrinliyindә dörd
nәfәr masa arxasında oturub kirimişcә kart oynayırdı. Darius da
burda, dörd nәfәrin arasında idi.
– Hә, – Kesli dillәndi, – poker oyunların şahıdır…
Vә Dariusun әlini sıxdı. Darius qalxıb qadının әlini öpdü.
Mәn dә onunla әl tutub görüşdüm.
– Haçan istәsәniz, gәlin, – Darius mәnә dedi. – Bu evin
qapıları sizin üzünüzә hәmişә açıqdır.
Pillәkәn meydançasında mәn liftin düymәsini basdım.
– Biz sizinlә elә burdaca xudahafizlәşәk, – Kesli dedi. – Biz
bir mәrtәbә aşağıda oluruq.
– Mәn çantamı maşında unutmuşam, – arvadı ona dedi. – Bu
dәqiqә götürüb qayıdıram.
– Di sağlıqla qalın, – Kesli mәnә deyib әlini yellәdi. – Sizinlә
tanışlığa şadam.
O, pillәkәnlә aşağı düşdü vә mәn qapının necә örtüldüyünü
eşitdim. Liftә biz ikimiz mindik. Tereza mәnim üzümә baxdı:
– Mәnim maşınım yaxınlıqdadır, bağın yanında..
– Bilirәm, – mәn dedim.
O, gözlәrini geniş açıb üzümә baxdı.
– Hardan bilirsiz? Mәni güdürsüz?
– Mәn sizi bu gün axşam tәsadüfәn gördüm, siz maşından
düşәndә.
Lift dayandı. Qapılar açıldı. Amma o, yerindәn tәrpәnmәdi.
Azca gen açılmış bәbәklәriylә mәnә baxmağa davam elәdi.
– Sәn çox da dәyişmәmisәn, – dedi.