Page 626 - Patrik Modiano "Seçilmiş əsərləri"

Ïàòðèê Ìîäèàíî

– Deyәsәn, mәnim hotelimdә az yatmısız, – Raxman dedi.
– Siz harda qalırdınız? – Savundra fransızca xәbәr aldı.
– “Luiziana” hotelindәn xeyli pis olan bir hoteldә, – mәn
cavab verdim.
– Yaxşı ki, mәn onlarla tanış oldum, – Linda dedi. – İndi onlar
mәnim yanımda qalacaqlar…
Çox istәyәrdim ki, bilәm: bunların bizә bu cür hәvәslә qayğı
göstәrmәk istәyinin sәbәbi nәdir?
Savundra hәlә dә Jaklindәn göz çәkmirdi, amma Jaklin ona
zәrrәcә әhәmiyyәt vermirdi. Ya da özünü belә göstәrirdi ki, guya
bunu görmür. Mәn bu Savundranı hansısa amerikan aktyoruna
oxşadırdım. Necәydi onun soyadı? Aha, yadıma düşdü: Cozef
Kotten.
– Bax görәcәksiz, – Linda davam elәdi, – mәnim evimdә
sizinçün yaxşı olacaq.
– İstәnilәn halda, – Raxman dedi, – mәnzil sarıdan korluğunuz
olmayacaq. Mәndә mәnzil kalandır. Gәlәn hәftә birini sizә verә
bilәrәm.
Savundra bizә maraqla nәzәr saldı, Jaklinә sarı çönüb ingiliscә
soruşdu:
– Siz bacı-qardaşsınız?
– Bәxtiniz gәtirmәyib, Maykl, – Raxman özünün buz kimi
soyuq sәsiylә dedi. – Onlar әr-arvaddırlar.
– Ümidvaram ki, sizi tezliklә görәcәm, – Maykl yenә fransızcaya
keçdi.
Sonra Raxmandan onun ssenarisini oxuyub-oxumadığını xәbәr
aldı.
– Hәlә oxumamışam, – Raxman ona dedi. – Bununçün mәnә
vaxt lazımdır. Axı mәn zorla oxuyuram…
Vә ürәkdәn şaqqanaq çәkdi. Onun sümük sağanaqlı eynәyin
arxasından baxan gözlәri hәlә dә buz kimi soyuq idi.