Page 623 - Patrik Modiano "Seçilmiş əsərləri"

Óíóäóëìàíûí ÿí äÿðèí ãàòûíäàí 623

– Gedin şey-şüylәrinizi götürün, әn әsası da hesabı ödәmәyin…
Piştaxtanın arxasında heç kәs yox idi. Nömrәnin açarını özüm
götürdüm. Burda yaşadığımız bütün müddәtdә әşyalarımızı
çıxartmamışdıq, elә yol çantаsının içindә qalmışdı.
Sakvoyajı götürәn kimi dәrhal aşağı endik. Damağında siqar
olan Raxman әllәrini pencәyinin cibinә qoyub hotelin qarşısında
o baş-bu başa gedib-gәlirdi.
– “Rednor”dan ayrılmağınıza sevinirsiniz? – dedi.
Sonra “Yaquar”ın yük yerini açdı vә mәn sakvoyajı ora
qoydum. Maşını tәrpәtmәzdәn qabaq Lindaya dedi:
– Yolüstü “Lido”ya dәymәliyәm. Sonra sizi apararam...
Mehmanxananın kәskin iyi hәlә dә burnumdaydı. Özümdәn
soruşurdum ki, görәsәn, bu iy bizim hәyatımızdan neçә günә
çәkilib gedәcәk.
“Lido” Serpantinin yanındakı Hayd Parkda çimәrlik imiş.
Raxman dörd bilet götürdü.
– Qәribәdir, – Jaklin dedi. – Delini hovuzuna әcәb oxşayır…
Amma içәri keçәndә biz buranın günәşdәn qorunmaq üçün
qırağına çәtirli masalar düzülmüş bir növ çay çimәrliyi kimi bir
yer olduğunu gördük. Raxman kölgәlikdәki masalardan birini
seçdi. Siqarı hәlә dә ağzından çıxarmamışdı. Keçib әylәşdik. O,
yekә ağ dәsmalla boynunu vә alnını silә-silә Jaklinә tәrәf çönüb
dedi:
– Meyiliniz çәkirsә, çimә bilәrsiniz…
– Çimәrlik paltarım yoxdur, – Jaklin cavab verdi.
– Bu, düzәlәn şeydir… kimisә göndәrәrәm tapıb gәtirәr…
– Buna gәrәk yoxdur, – Linda ağızucu dedi. – Onun çimmәk
fikri yoxdur.
Bu ad hansısa ekzotik fiqurla assosiasiya olunurdu vә mәn
düşündüm ki, indi bizim masamıza sari geyinmiş bir hind qadını
yaxınlaşacaq.