Page 60 - Patrik Modiano "Seçilmiş əsərləri"

Ïàòðèê Ìîäèàíî

– Əminәm. Amma mәn onu demәk olar ki, tanımırdım...
– Freddi Hovard de Lüts?
– Hә. Uşaq vaxtı bәzәn bir yerdә oynayırdıq.
– Sizdә onun fotoları yoxdur ki?
– Heç bir dәnә dә.
O, paştetin bir tikәsini ağzına qoyub ürәkbulanmasını zorla
boğaraq, birtәhәr uddu.
– O heç mәnim әmioğlum da deyil... Elә-belә, çox uzaq qo-
humdur... Hovard de Lütslәr azdır... Mәncә atamla mәn idik
yalnız... bir dә Freddi ilә babası... Bu, Mavriki adasından olan bir
fransız nәslidir...
O, boşqabını yorğun halda itәlәdi.
– Freddinin babası bir varlı amerikalı qadınla evlәnmişdi...
– Meybl Dounehyuyla?
– Hә-hә... Onların Ornda әla malikanәlәri vardı...
– Valbrezdә?
– O-o, siz lap Bottensiniz ki, әzizim, – deyә tәәccüblә mәnә
baxdı. – Sonra mәn bilәni hәr şeylәrini itirdilәr... Freddi Amerikaya
getdi... Tәfәrrüatını tәәssüf ki, bilmirәm. Elә bu dediklәrimi dә
ondan-bundan eşitmişәm... Heç bilmirәm ki, Freddi sağdır, yoxsa
yox...
– Bәs bunu necә öyrәnmәk olar?
– Atam olsaydı... Ailәmizdәki tәzә xәbәrlәrin hamısını ondan
öyrәnirdim... Tәәssüf...
Cibimdәn Gey Orlovanın qoca Corcadze ilә fotoşәklini çıxarıb,
mәnә bәnzәyәn qarasaç adamı göstәrdim ona.
– Siz onu tanıyırsınız?
– Yox.
– Sizә elә gәlmirmi ki, o, mәnә oxşayır?
Fotoya tәrәf әyildi:
– Ola bilәr, – deyә bir qәdәr inamsız dillәndi.