Page 584 - Patrik Modiano "Seçilmiş əsərləri"

Ïàòðèê Ìîäèàíî

yayınırdı. Bәlkә onun bu soyuq davranışı Kartoya görә idi? Mәn
yәqin ki, onların söhbәtini yarımçıq kәsmişdim.

– Bir şey içmәk istәyirsiz? – Karto mәndәn soruşdu.
Sәsi bәm sәs idi – söz demәk vә dediyi sözә inandırmaq
vәrdişi olan adamın gözәl tembrli sәsi.
– Qrenadina içәrdim.
O bizdәn böyük idi. Düzgün üz cizgilәri olan tәxminәn otuz
beş yaşlı qarabuğdayı kişi. Boz kostyumda.
Hoteldәn çıxanda "A High Wind in Jamaica" kitabını cibimә
soxmuşdum. Sevdiyim romanın üstümdә olmasından hәmişә bir
rahatlıq, tәskinlik tapıram. Cibimi eşәlәyib siqaret axtaranda
kitabı çıxarıb masanın üstünә qoydum. Karto bunu gördü.
– İngiliscә oxuyursunuz?
Başımla tәsdiqlәdim. Jaklinlә Van Bever susurdu.
– Bәs çoxdan tanışsınız? – nәhayәt, kişi soruşdu.
– Mәhәllәdә tanış olmuşuq, –Jaklin bildirdi.
– Aha… Aydındır.
Ona aydın olan nә idi görәsәn?
Kişi siqaret yandırıb mәndәn soruşdu:
– Siz dә onlarla kazinoya gedirsiniz?
– Yox.
Van Beverlә Jaklinin gәrginliyi hәlә dә sovuşmamışdı, sanki
nәdәnsә nigaran idilәr. Mәnim burda iştirakım onları nәylә çaşdıra
bilәrdi?
– Demәli, siz onların dalbadal düz üç saat necә ruletka
oynadığını görmәmisiniz…
Vә qәhqәhә çәkdi. Jaklin mәnә sarı çönüb dedi:
– Biz onunla Lanqryunda tanış olmuşuq.
– Hә, mәn bunları elә o dәqiqә gördüm. – Karto dedi. – Çox
qәribә oyun maneraları var...