Page 425 - Patrik Modiano "Seçilmiş əsərləri"

Èòèðèëìèø äöíéà 425

İspan Billini tövlәyә salan Yurel… canlanırdı. Lüsyenin vaxtlarında
bütün bunlar onun da hәyatını rövnәqlәndirirdi.

Şüşәbәndin astanasının yuxarısından kәndir asılmışdı. Kar-
mendәn soruşdum ki, bu nә üçündür? Bayrağı qaldırmaq üçün.
Hansı bayrağı? Necә yәni – yaşıllı-ağlı –onların tövlәsi rәngindә
olan bayrağı. Hәr dәfә, Blenin atlarından biri qaçışlarda qәlәbә
çalanda, tәsәrrüfatın üzәrindә bayraq qaldırılırmış.

Kәndirin ucundan tutub çәkdim. Qayışı hәrәkәtә gәtirәn çarx
cırıldadı. Nәhayәt, çarxın dirәndiyini hiss edib, kәndirin ucunu
mәhәccәrә bağladım. İstәyirdim, baxıb görәm, bayraq dirәyin
lap yuxarısına kimi qalxıb, yoxsa yox?

Yuxarıda külәk bayrağı yüngülcә yellәyirdi. Onun üzәrindәki
yaşıl zolaqda deşik әmәlә gәlmişdi. Ağ zolaq saralmışdı. Ancaq
nә fәrqi vardı ki? Hәr halda bunu etmәliydim: hәyatdan silinmiş
çaparların, atların vә mehtәrlәrin şәrәfinә bayraq qaldırmalıydım.

4

Mәn hәyatıma falstartla başlamışdım. Az qala yazacaqdım –
pis başladım. amma yox, bu sadәcә falstart idi. Onda baş verәnlәri
etiraf etmәyә dә bilәrdim. Şahidlәrin çoxusu hәyatda deyil –
tәkcә Qita qalıb, o da hәr şeyi çox dumanlı xatırlayır. Mәnim
sözlәrimi kim yalana çıxara bilәr? Köhnә polis protokollarını
bir-bir gözdәn keçirib, adımı axtaran olmasa, heç kim. Bәzi
qadınlar özlәrini cavan kimi qәlәmә vermәk üçün bioqrafiyalarından
5 ili atırlar. Bunun yanında üç ilin üstündәn xәtt çәkmәk… An-
caq bilirәm ki, bu falstart mәnim bütün hәyatıma möhür vurub
vә çox şeyi şәrtlәndirir.

Aprel, may, iyun. Əxlaq polisinin arxivindә mәnim “Triumf”
hotelinin 17 №-li otağında qalmağım haqqında mәlumatlar tapmaq
olar. 15-ci nömrәdә Alber Valenten qalırdı. Jorj Mayo isә, Parisә
gәldiyi vaxtlarda hәmin mәrtәbәdә, dәhlizin o başındakı 14-cü