Page 406 - Patrik Modiano "Seçilmiş əsərləri"

Ïàòðèê Ìîäèàíî

da tapdım. Nә qәdәr çalışsam da, aramızda heç bir oxşarlıq tapa
bilmәdim. Açıqrәngli gözlәri olan sarışın. Şәkildә onun әllәrini
görmәk mümkün deyildi.

Bunu Karmendәn dә soruşdum, ancaq o, şәkillәrә baxmaq
istәmәdi.

– Sәnә deyirәm, o, sәnә oxşayır… – demәklә kifayәtlәndi.
Onun sәs tonu hәr hansı etiraza yer qoymurdu. Onu әhatә
edәn adamlardan yalnız Rokrua Farmerlә ondan әvvәl tanış
olmuşdu – Rokrua ilә Lüsyen Blen dostlaşan vaxtlarda Blen hәlә
Karmenlә evlәnmәmişdi. Mәnim Farmerә oxşayıb-oxşamadığımı
Rokrua hamıdan yaxşı bilәrdi. Bunu ondan soruşanda, o, ani
tәrәddüddәn sonra soruşdu:
– Bunu sәnә o deyib?
– Hә.
– Üzdәn qәtiyyәn ona oxşamırsınız, amma onun nәyi nәzәrdә
tutduğunu bilirәm…
Rokrua, Qita vә mәn Karmeni qonaq otağında gözlәyirdik.
May, axşam saat sәkkiz, Karmen isә hәlә dә yatır.
– Sizi… necә deyim.. Farmerlә ümumi ab-hava birlәşdirir,
başa düşürsünüzmü?
Mәn heç nә başa düşmürdüm.
– Farmerlә tanış olarkәn onun on doqquz yaşı varmış…
Farmer onun hәyatında ilk kişi imiş… Lüsyen Blenlә onu Farmer
tanış etmişdi…
Rokrua sәsini aşağı salıb, әlavә etdi:
– Doğrusu, bilmirәm… Siz ona öz cavanlığını xatırladırsınız…
Odur ki, sizi Farmerә bәnzәdir… Hә… Mәncә, belәdir… –
Sonra o, üzünü divanda әylәşmiş Qitaya tutdu, – düzdür, Jip?
Nitqinә pәrçimlәnmiş bu “Düzdür, Jip?” ifadәsini o, mexaniki
tәlәffüz edirdi, siqaretin külünü çırpırmış kimi.