Page 402 - Patrik Modiano "Seçilmiş əsərləri"

Ïàòðèê Ìîäèàíî

Deyәsәn, mәnim burada olmağımda qeyri-adi heç nә görmürdü.
Stolun üstündәki şamı bir kәnara çәkib, qutuları, kitabları
әllәşdirәndәn sonra siqareti vә alışqanı tapdı. Sonra gәlib döşәyә
oturdu.

– Çәkirsiniz?
– Yox, sağ olun.
Mәni başdan-ayağa süzmәyә başladı. Sonra әllәrimә baxdı.
– Çamadanlarım sizә çox әziyyәt vermәdi ki?
– Yox, qәtiyyәn.
– Çox lütfkarsınız… Sizi gözlәtdiyim üçün üzr istәyirәm…
Gündüzlәr yatıb, yuxumu almaq istәyirәm… Gecәlәr alınmır…
Bu çarpayıda gözümә yuxu getmir… Çox hündürdür…
Ciddi üz ifadәsiylә başımı yellәdim. Onu bәzәkli talvarın
altındakı çarpayının bir ucunda oturmuş halda görmәk mәnә
qәribә gәlirdi.
– Yәqin ki, acsınız… İndi yemәyә bir şey gәtirәrlәr…
Kim gәtirәcәk? Çapar sifәtli kişi?
– Sağ olun, lazım deyil… Narahat olmayın…
– Lazımdır, lazımdır… mәnim xәtrimә yeyәrsiniz… Mәn dә
sizә yoldaşlıq elәyәrәm… Bu kәtildә özünüzü narahat hiss
edirsiniz… Buraya gәlin.
Onunla yanaşı döşәyә oturdum.
– Qәribәdir… İlk dәfә sizi görәndә, mәnә әrimin bir dostunu
xatırlatdınız… Mәn onu çox istәyirdim... İngilis idi… Bәlkә, elә
siz onun oğlusunuz? Bernard Farmer… Bernard Farmerin oğlu
deyilsiniz ki?
O, gözlәrini üzümdәn çәkmirdi, hiss edirdim ki, mәnim
sifәtimdә Bernard Farmerin cizgilәrini axtarır.
– Ərimlә tanış olan vaxtlar o, bütün işlәrini Farmerlә görürdü…
Onun әtirinin rayihәsini hiss edirdim. Xalatının belini kәmәrlә
bәrk çәkmişdi.