Page 392 - Patrik Modiano "Seçilmiş əsərləri"

Ïàòðèê Ìîäèàíî

keçdim vә madam Blenin telefon nömrәsini tapmaq üçün gödәk-
cәnin ciblәrini axtarmağa başladım.

Hәyәcanla Trokadero 15-28 nömrәsini yığdım. Kişi sәsi eşidildi.
– Madam Blenlә danışmaq olar?
– Madam yatır.
Bir qәdәr susduqdan sonra kişi sәsi soruşdu:
– Kimdir danışan?
– Madam Blenin çamadanları ilә bağlı zәng edirәm.
– Madamın çamadanları ilә bağlı? – sәs yumşaldı.
– Hә… çamadanlarla bağlı… Bilmirәm necә çatdırım… Ma-
şınım yoxdur… Mәn Lion vağzalındayam…
– Lion vağzalında?
– Hә… burada bir sandıq, on dәnә dә çamadan var… madam
Blen onları mәnә xizәk stansiyasında verdi ki, Parisә gәtirim.
– Qulaq asın… mәn madamı oyada bilmәrәm…
– Bәs mәn neylәyim?
– Oraya iki maşın göndәrәrәm, müsyö. Elә indi. İki maşın…
Lion vağzalındasınız, hә?
– Hә, “Tren-Ble” restoranının yanında.
İcarәyә götürülmüş iki böyük qara maşın. Maşınlar ard-arda
dayandı vә sürücülәr – ikisi dә ağ kostyumdaydılar – eyni vaxtda
yerә endilәr.
Sürücülәrә çamadanları yüklәmәyә kömәk etdim. Maşınlardan
birindә oturacağı söküb, sandığı oraya yerlәşdirdilәr. Onların
çamadanları necә asanlıqla yüklәdiklәrinә heyranlıqla baxırdım
– onlar elә bil heç güc sәrf etmirdilәr.
İrәlidә gedәn maşının sürücüsü ilә әylәşdim. Maşın yavaş-
yavaş irәlilәmәyә başladı, ikinci maşın bizdәn bir neçә metr
aralıda gәlirdi. Maşının qabaq şüşәsinә yapışdırılmış lövhәcikdә
“Fransa sürücülәri” yazılmışdı.