Page 374 - Patrik Modiano "Seçilmiş əsərləri"

Ïàòðèê Ìîäèàíî

görünüşü. Yalnız bağdakı ağacların yarpaqlarında yaşıla çalan
sayrışmalar sezilirdi. Buraya ilk dәfә gәldiyim günü xatırladım.
Lion vağzalından buraya necә gәldiyimi, bahar havasında Parisdә
necә dolaşdığımı xatırladım. Sonralar bir daha tәkrarlanmayacaq
hisslәr yadıma düşdü: nәhayәt, yaşamağa başlayıram…

I Albert vә Kraliça xiyabanlarını da keçdik. Ağ “lança” düz
yolun ortasıyla hәrәkәt edirdi, amma qorxulu heç nә yox idi –
qarşıdan maşın-filan gәlmirdi. Geniş meşә massivi olan Kraliça
xiyabanı, görәsәn, hara aparır? Bәlkә, dәniz kәnarına?

I Kral Albertin heykәlinә çatanda “lança” sola buruldu. Çinar
ağacları ilә dövrәlәnmiş çәmәnlik. Hәrdәn gecәlәr Karmenlә
burada gәzişәrdik. Bәzәn dә tәk dolaşırdım. Sahil küçәsinin
mәhәccәri üzәrindәn әyilib, Paris bәrәsini vә körpüyә yan alan
gәmilәri görmәk olurdu.

– Sonuncu yoldur, – Tenten mәşum sәslә dedi.
“Lança”nın arxasınca III Aleksandr körpüsünә qalxdıq,
körpünün ortasında Tenten qәfildәn maşını saxlayıb, motoru
söndürdü. “Lança” uzaqlaşmağa başladı, onun ağ korpusu sahil
küçәsi Orsenin döngәsindә gözdәn itdi.
– Vәssalam… bu da son…
– Daha onu müşayiәt etmәyәcәksiniz?
– Niyә ki… müşayiәt edirәm… O, indi çayın kәnarı ilә
Qarilyano körpüsünә qәdәr gedir. Sonra Port-Sent-Kludan keçib,
Qәrb avtostradasına çıxacaq… Bir saata yaxın orada dolaşacaq…
Daha sonra dönüb, Parisә qayıdacaq… Bu, belәcә saatlarla davam
edә bilәr…
– Bәs, onun harada yaşadığını bilirsinizmi?
– Mәncә, hardasa Sen-Klu ilә Syuren arasında… deyәsәn,
Val-d.orda yaşayır… Val-d.Ora çatanda hәmişә gözümdәn yayınır…
– o, başını aşağı saldı.
– Tәmiz havaya çıxmaq istәmirsiniz?