Page 371 - Patrik Modiano "Seçilmiş əsərləri"

Èòèðèëìèø äöíéà 371

– Ağarmamışdı. Amma indi… – O, ah çәkdi. – Bәs mәn…
Sizcә, mәn әvvәlki Tentenә oxşayıram?

Yenidәn maşının arxasınca düşdük. Tezliklә bizә bir maşın da
qoşuldu. Onun arxasınca başqa birisi. Sonra daha bir maşın.
Belәcә, tәyinatı bilinmәyәn – dәfn mәrasiminә dә oxşayırdı,
zәvvarların yürüşünә dә, – bütöv bir kortej yarandı.

– Nәyә gülürsünüz? – Karpantyeri soruşdu.
– Elә-belә.
İndi “lança” Prezident Vilson küçәsilә gedirdi.
– Burada tez-tez dayanır… Qalyer bağçasının şәbәkәsi
önündә…
Yox, burda da dayanmadı. “Lança” yoluna davam edirdi.
– Bәxtiniz gәtirir… Bu gecә o, heç yerdә dayanmır…
Maşın İena meydanının yanından keçdi vә I Pyotr Serbski
küçәsinә doğru yol aldı. “Kalavados” restoranı arxada qaldı.
Karmen gecәlәr saat dörddә mәni tez-tez bu restorana gәtirәrdi.
O, evә qayıtmaqdan qorxurdu, restoran isә onun kimi sәhәri
dirigözlü açan adamlarla dolu olurdu. Karmen mәni Rubirozayla
elә “Kalavados”da tanış etmişdi. Xeyuord cütlüyünü dә ilk dәfә
burada görmüşdüm vә nә qәdәr qәribә görünsә dә, onların
gözәlliyinә vә nәzakәtli davranışına heyran olmuşdum. Meksikan
orkestrinin qonşuluğundakı stolumuzun әtrafına Mario P., Syerra
Dalle, Lyüdo Fuke, Favar, Andre Karve vә daha neçә-neçә dost-
tanış toplaşırdı vә mәn qorxurdum ki, bu qәdәr adamın içindә
Karmen mәndәn soyuyar, onu hәmişәlik itirәrәm…
– Nә fikirlәşirsiniz? – Karpantyeri soruşdu.
– Heç.
Fikirlәşirdim ki, ağ maşının arxasınca getdiyimiz yol, vaxtilә
sübh tezdәn Karmeni “Kalavados”dan evә ötürәrkәn ayaqla keçdiyi-
miz yoldur. Monten küçәsi. Alma meydanı. Jan Qujon küçәsinә
açılan pәncәrәlәrә baxmağa macal tapmadım, yalnız bağın gәmi