Page 359 - Patrik Modiano "Seçilmiş əsərləri"

Èòèðèëìèø äöíéà 359

– Hә, katib… Hәm dә sürücüsü idim.
Elәdir ki, var. O, gülümsündü.
– Hәm dә dostu idim… Heç ağlıma gәlmәzdi ki, bu axşam
burada Jorj haqqında danışmalı olacağam. – O, mәnә qәribә bir
ehtiramla vә tәәccüblә baxırdı. – Demәli, siz… siz iyirmi ildir ki,
getmisiniz?
Bәlkә, o, mәni qarabasma sanır? Ya da uzun türmә hәyatı
yaşamış adam? Ortaya çökmüş naqolaylığı aradan qaldıra bilmәsi
üçün ona kömәk etmәk istәdim vә qollarımı geniş açıb, terrasda
oturmuş adamları göstәrdim:
– Yәqin ki, bu adamların arasında da Jorj Mayonu tanıyanlar
var, elә deyil?
O, çiyinlәrini çәkdi.
– Nә danışırsınız! Jorj kinoya çәkilәndә, hәlә onların ağzının
sarısı getmәmişdi…
– Siz… onlarla işlәyirsiniz?
– Hә… rejissor kömәkçisiyәm…
Gördüm ki, bu barәdә danışmaq istәmir. Mәn Jorj Mayonun
adını çәkәn kimi indiki zaman onun üçün öz әhәmiyyәtini
itirmişdi. O, mәnim hәr sözümü havada tuturdu.
– Bәs siz? Jorjla necә tanış olmuşdunuz?
Oturduğum yerdә ürәyimi hәr tәsadüfi adama açmaq fikrindә
deyildim.
– Jorjla necә tanış olmuşam?
Ona yarımçıq hәqiqәti söylәmәk üçün cavab hazırlamağa
başladım. Odur ki, onun hansı tәlә yeminә gәldiyini öyrәnmәk
lazım idi.
– Mәni onunla… Alber Valenten tanış etmişdi. Onu kinoda
çәkilmәyә dәvәt edәn ilk adamlardan biri.
– Truayon küçәsindәki hoteldә yaşayan adam? Jorj Parisә
gәlәndә onun yanında qalırdı…