Page 325 - Patrik Modiano "Seçilmiş əsərləri"

Èòèðèëìèø äöíéà 325

yemәklәrindәn bezmişәm… Ağzımızın dadını dәyişmәk istәdim…
Amma siz, yәqin ki, fransız mәtbәxinә üstünlük verirsiniz? – ing.)

– Not at all (heç dә yox (ing)).
– Yes… I was wrong… I should have taken you to a french
restaurant… You probably are not used to french restaurant…
(әlbәttә… fransız mәtbәxi xoşunuza gәlir… sәhv etdim… gәrәk
sizi fransız restoranına dәvәt edәydim… Axı siz, yәqin ki, fransız
restoranlarını tanımırsınız… – ing.)
Sonuncu cümlәni o, öz üstünlüyündәn әmin bir ifadәylә dedi,
sanki adi turistә Paris by Night-i (Paris gecәsi (ing.)) göstәrmәk
niyyәtindәydi.
– Narahat olmayın, dostum, mәn pitsanı xoşlayıram, – ona
fransızca, qaba tәrzdә cavab verdim. İllәr sonra doğma şәhәrciyim
Bulon-Biyankur lәhcәsindә danışmağa başlamışdım.
Yaponun müştüyü ağzından düşdü, siqaretin közü stolun
üstünә sıçrayıb süfrәdә deşik açdı, ancaq Tatsuke sanki heç nә
görmürdü, – deyәsәn, sözlәrim ona yer elәmişdi.
– Tut, dostum, yoxsa, buralar alışa bilәr, – siqaret taxılmış
müştüyü ona uzatdım.
Baxışlarından yüngülcә hәyәcanlandığı hiss olunurdu.
– Siz… siz fransızca çox gözәl danışırsınız…
– Siz dә…
İltifatla gülümsәdim. O, mәmnun qalmışdı, yavaş-yavaş özünә
gәlirdi.
– Mәn beş il Fransada, mәtbuat agentliyindә işlәmişәm, – o
dedi. – Bәs siz?
– O, mәn…
Sözümün ardını gәtirmәdim – nә deyәcәyimi götür-qoy
edirdim. O da israr etmәdi. Flaminio salatını gәtirdilәr.
– You like it? (necәdir, xoşunuza gәlir? – ing.) – o soruşdu.