Page 22 - Patrik Modiano "Seçilmiş əsərləri"

Ïàòðèê Ìîäèàíî

– Belә... Siz hәmişә bir nәfәrlә gәlirdiz... o da ucaboy idi...
Bәlkә hәlә sizdәn dә hündür... Pol, yadına düşmür?

İndi dә Zonahidzenin tәntәnәylә gülümsәmәk zamanıydı.
Başını tәrpәtdi.

– Düşür...
– Nә düşür?
– Styopa.
– Düzdür! Styopa.
Zonahidze mәnә sarı çöndü.
– Siz Styopanı tanıyırsız?
– Bәlkә dә, – deyә, ehtiyatla dillәndim.
– Əlbәttә, tanıyırsız, – Erter tәsdiqlәdi, – tez-tez onunla
gәlirdiniz... әminәm buna...
– Styopa...
Zonahidzenin tәlәffüzündәn bәlliydi ki, rus adıdır.
– Orkestrә hәmişә “Alaverdı” sifariş edirdi... – Erter dedi. –
Qafqaz mahnısıdı bu...
– Yadınızdadı? – deyә, bilәyimi var gücüylә sıxan Zonahidze
soruşdu – “Alaverdı”...
O, melodiyanı fitlә çalmağa başladı vә gözlәri parladı. Qәflәtәn
mәn dә birtәhәr oldum. Mәnә elә gәlirdi ki, bu melodiyanı
tanıyıram.
Bu dәm bizә qulluq edәn ofisiant Erterә yaxınlaşdı vә zalın
içәrilәrinә işarә etdi.
Orda, alaqaranlıqda әllәrini çәnәsinә söykәk vermiş, solğun-
bәyaz paltarlı bir qadın masa arxasında oturmuşdu. Nә haqda
düşünürdü görәsәn?
– Tәzәgәlindir...
– Burda neylәyir? – Erter soruşdu.
– Bilmirәm, – deyә, ofisiant cavab verdi.
– Soruşmadın? Bәlkә nәsә istәyir?