Page 199 - Patrik Modiano "Seçilmiş əsərləri"

Äîðà Áðöäåð 199

Belәliklә, Dora Brüderlә bağlı internat arxivindәki mәlumatda,
“xaric olunmanın tarixi vә sәbәbi” qrafasında yazılıb: “14 dekabr
1941. Özbaşına qaçış sәbәbindәn”.

14 dekabr bazar gününә tәsadüf edirdi. Düşünürәm ki, şagirdlәrә
gәzinti üçün icazә verilәn hәmin gün Dora Ornano bulvarında
valideynlәrinә baş çәkib. Axşam isә pansiona qayıtmayıb.

İşğalın başlandığı gündәn bәri Paris 1941-ci ilin son ayında
olduğu qәdәr qaranlıq vә cansıxıcı günlәrә şahidlik etmәyib.
Dekabrın 8-dәn 14-dәk almanlar fransızların iki terror aktına
cavab olaraq cәza kimi axşam saat altıdan etibarәn komendant
saatı tәtbiq etdilәr. Sonra tәk elә bircә tutquda beş yüz fransalı
yәhudi hәbs olundu. Bu, dekabrın 12-dә baş vermişdi. Dekabrın
15-dә yәhudilәrә milyard frank cәrimә kәsildi. Hәmin günün
sәhәrisi isә şәhәrin qәrbindәki Valeryen tәpәsindә girovları
güllәlәdilәr. Dekabrın 10-da polis prefektinin sәrәncamı ilә hәm
fransız, hәm dә әcnәbi vәtәndaşlığı olan Sena Departamentinin
bütün yәhudilәrinә tövsiyә olunurdu ki, öz “yәhudi” vә “yәhudi
qadın” ştamplı şәxsiyyәt vәsiqәlәrini tәqdim etmәklә mәcburi
qaydada “daimi nәzarәt”dәn keçsinlәr. Yaşayış yerlәrini dәyişәrkәn
yәhudilәr bu barәdә iyirmi dörd saatın әrzindә polis mәntәqәsinә
xәbәr vermәyә borcluydular vә hәmin vaxtdan onlara departamentin
sәrhәdlәrindәn kәnara çıxmaq qadağan olunurdu.

XVIII dairәdә almanlar komendant saatını hәlә dekabrın 1-
dәn tәtbiq etmişdilәr. Saat altıdan sonra dairәyә giriş qadağan
idi. Metro stansiyaları, o cümlәdәn Ernest vә Sesil Brüderlәrin
yaşadıqları yerin yaxınlığındakı “Simplon” stansiyası bağlanmışdı.
Mәsәlә ondaydı ki, gizli şәkildә iş aparan siyasilәr Şampyonne
küçәsindә, onların qaldıqları mehmanxananın ikicә addımlığında
mәrmi partlatmışdılar.

XVIII dairәdә komendant saatı üç gündәn sonra götürüldü.
Elә hәmin gün – namәlum şәxslәr Majenta bulvarında işğalçı