Page 85 - Patriarxın payızı

PATRİARXIN PAYIZI

talıqdı, mәnim generalım!” Ürpәnib pәncәrәnin qaba -
ğından çәkildi, qәbul otağı boyu var-gәl elәyә-elәyә,
halsızlığından, bu әlacsız kömәksizliyindәn bezә-bezә,
ürәyinin başına balıq tıxı ilişibmiş kimi boğula-boğula
dövlәt şurasının iclasına yollandı, orada bir kәnarda
oturub, hәmişәki kimi, heç nә eşitmәyә-eşitmәyә, heç nә
anlamaya-anlamaya, az qala mürgülәyә-mürgülәyә,
maliyyә vәziyyәti barәdә darıxdırıcı mәruzәyә qulaq
asarkәn, qәfildәn elә bil iclas zalında nә isә dәyişdi, nә
isә qırılıb havadan asıldı, maliyyә naziri sözünü kәsib
gözünü prezidentә zillәdi, yerdә qalanlar da çönüb onu
az qala iki yerә bölәn qәfil ağrıdan ürәyi gedәcәkmiş kimi
qovrulan prezidentә baxdılar... o özü dә özünü kәnardan,
stolun başında, öz tәnha stulunda, prezidentә yaraşmayan
saralmış bәniziylә oturmuş halda gördü… ürәyini tutdu...
sәhiyyә nazirinin zәrgәr gözü kimi iti gözlәri qarşısında
hәyatı şam kimi әriyib gedirdi... Əziz hәmyerlisi cib
saatının zәncirini әlindә oynada-oynada, dinmәz-
söylәmәz elә bil onun içini seyr edirdi... “Olsun ki, ürәyi
sancdı…” – kimsә ehtiyatla dillәnәndә o artıq hikkәsin -
dәn ağırlaşıb daşa dönmüş әlini sinәsindәn çәkib stolun
üstünә qoymuşdu, rәngi özünә qayıtmışdı, hökmranlığını
bir daha tәsdiq elәyәn iynәli sözlәriylә hamını güllәlәdi:
“İstәyәrdiz sancsın, hә, heyvәrәlәr? Hә, nәdi, diliniz
qarnınıza girdi?.. Di davam elәyin!” İclas iştirakçıları da,
özlәri öz dediklәrini eşitmәyә-eşitmәyә, bu qәzәbin,
hirsin mәnasını anlaya-anlaya iclası davam etdirdilәr,
barmaqlarını ehtiyatla ona sarı uzadıb pıçapıç saldılar:
“Siz bir ona baxın! O qәdәr әsәbidi ki, ürәyini tutub...
görәn, nә olub? Çırtma vursan, qanı çıxmaz”. Bir qәdәr
sonra isә sarayda söz-söhbәt gәzdi ki, guya prezident
sәhiyyә nazirini tәcili yanına çağırtdırıb, nazir isә gәlib
görüb ki, o, stolun üstünә qoyduğu sağ әlinә baxır, әli dә
kündә kimi köpüşüb... deyirdilәr, prezident sәhiyyә 85
nazirinә әmr edib ki, sağ әlini kәssin, çünki ona mane
olur, yaşamağa qoymur, lazım olmayan yerlәrә uzanır…