Page 83 - Patriarxın payızı

PATRİARXIN PAYIZI

liman qalasından sәs verildi… bu sәsә San-Xeroni -
modakı şeypurlar da qoşuldu. Sübh şeypurları bütün ölkә
boyu eşidildi… şәhәr oyanmağa başladı… üst-üstә
yığılan silahlar hәyәcan içindә әsgәrlәrә paylandı,
qızılgüllәr sübh şehi düşmәmişdәn iki saat әvvәl açıldı,
saray qulluqçuları döşәmә әsgilәrinin tozunu ulduzlu
göyün altında çırpdılar, qәfәsdә mürgülәyәn quşlara yem
verildi, solmağa macal tapmayan güllәr atılıb yerinә elә
onlar kimi tәzәlәri qoyuldu, daşyonanlar tәlәm-tәlәsik
divar hörә-hörә, hәr pәncәrәyә qızılı kağızdan kәsilmiş
günәşlәr yapışdırdılar; bu yalançı günәşlәri pәncәrәlәrә,
adәtәn, günün günortaçağı vururdular, lakin göy hәlә dә
qaranlıq idi, tәqvim hәlә dә istirahәt gününü göstәrirdi,
bazar ertәsinin sübh şәfәqi hәlә aprel dәnizinә
toxunmamışdı, gecә hәlә bitmәmişdi, lakin camaşırxana
müdirlәri – qaraqışqırıqçı çinlilәr artıq paltardaşıyanları
yuxudan oyadıb küçәlәrә itәlәyәrәk çirkli döşәküzülәrini
yığmağa göndәrdilәr, kor falçılar fal açır, mәmurlar
stollarının gözlәrindә toyuqların qoyduğu yumurtaları
tapıb çıxarır, küçәlәr başlarını itirib oyan-buyana qaçan
adamlarla dolur, dövlәt şurasının fövqәladә müşavirәlәri
keçirilәn otaqda – stolların altında saray itlәrinin
hәrgünkü boğuşması başlayırdı… Onu isә heç nә
tәәccüblәndirmәdi, gözlәri, gözlәnilmәdәn açılan sәhәrin
sübh şәfәqindәn qamaşa-qamaşa, bir-birinә macal
vermәdәn onu “sübhü yaradan”, “zamanın hökmdarı”,
“günәş şәfәqlәrinin mühafizәçisi” kimi vәsf edәn
yaltaqların müşayiәti ilә iclas zalına yollandı. General
qәrargahının zabitlәrindәn biri onun qabağını kәsib tәzim
edәrәk saatın sәkkizi yox, dördә beş dәqiqә işlәdiyini
göstәrdiyi barәdә hesabat verәndә zabitin qulağının
dibinә yağlı şillә ilişdirib, sәsi bütün ölkәni başına götürә-
götürә: “Saat sәkkizdir, lәnәt şeytana! Sәkkiz!” – deyә
çığırdı, günorta saat üçdә anası Bendisyon Alvaradonun 83
gözdәniraq malikanәsinә gәlәndә vә anası onun halını
görüb tәәccüb içindә: “Sәnә nolub? Əqrәb vurub?