Page 78 - Patriarxın payızı

“Heç nә olmaz!” – deyirdi; qalan boş vaxtlarını isә әziz
dostu general Rodriqo de Aqilarla vә yerlisi olan sәhiyyә
naziri ilә saysız-hesabsız domino oyunlarına sәrf elәyirdi.
Tәkcә bu iki nәfәr ona kiminsә hәbsdәn buraxılması, ya
kiminsә ölüm hökmünün lәğv edilmәsi barәdә ürәk
elәyib ağız aça bilәrdi. Gözәllik ilahәsi Manuela Sançesi
QABRİEL QARSİA MARKES mişdi...
qәbul elәmәyi dә tәkcә bu iki nәfәr ondan xahiş elә -

Manuela Sançes sadә xalq içindәn çıxmış gözәl bir
qız idi. Onu it döyüşdürülәn mәhәllәnin üfunәt bataqlığı
içindә bitmiş ecazkar gülә bәnzәtmәk olardı. Bu mәhәl -
lәnin itlәri bir-biriylә yola getmir, bir dәqiqә dincәlmәk
bilmәdәn gecә-gündüz elә boğuşurdular ki, milli
qvardiyanın әsgәrlәri belә bu tәrәflәrә ayaq basmağa ürәk
elәmirdi... Qvardiyaçılar bir dә ona görә bura gәlmәyә
çәkinirdilәr ki, bu mәhәllәyә ayaq basanların bir göz
qırpımında soyulmağından, maşınlarının sökülüb hissә-
hissә daşınmağından xәbәrlәri vardı. Bu elә bir mәhәl -
lәydi ki, içindә әtli-canlı bir eşşәk azsaydı, oradan eşşәyin
әvәzinә bir çuval sümük çıxardı. İt döyüşdürülәn
mәhәllәnin yolları o qәdәr dolama-dolaşıq idi ki, baş
çıxarmaq olmurdu vә hәmin bu dolama-dolaşıqlığın
içindә neçә-neçә dövlәtli ailәnin uşaqları yoxa çıxmışdı.
“Orada onları öldürüb qızardırlar, mәnim generalım,
sonra da bazara aparıb qızardılmış kolbasa yerinә
satırdılar, tәsәvvür elәyirsiz?!” Manuela Sançes –
gözәllik ilahәsi Manuela Sançes dә mәhz hәmin bu
mәhәllәdә doğulub boya-başa çatmışdı. Zibillik
bәnövşәsi! “Bu qızın gözәlliyi bütün ölkәni sarsıdıb,
mәnim generalım!” Bu söhbәt generalı elә maraqlan -
dırmışdı ki, o: “Doğrudan, elә qeyri-adi gözәldirsә, onda
mәn nәinki onu qәbul edәrәm, onunla bir vals da
oynayaram, – demişdi. – Cәhәnnәmә, qoy qәzetlәr nә
78 yazırlar yazsın, belә şeylәr qara camaatın xoşuna gәlir”.
Lakin hәmin axşam – Manuela Sançesi qәbul elәyәndәn
sonra Rodriqo de Aqilara general açıq tәәssüf hissi ilә