Page 69 - Patriarxın payızı

PATRİARXIN PAYIZI

qorxudan meyitә yaxınlaşa bilmәdiyini mәruzә elәyәndә
prezidentin gözlәrinә nәhayәtsiz bir kәdәr dolmuş,
dodaqları ağarmış, qılıncının üstünә qonan incә әli
titrәmişdi… Əslinә qalanda isә bu hadisәdәn әn az nara -
hat olan elә prezidentin özü idi, әsas mәsәlә o idi ki, “tәki
әtrafındakılar birlәşib ona qarşı çıxmasınlar”. Onların
qalan hәrәkәtlәri isә bir o qәdәr dә әhәmiyyәtli deyildi.
Bu hәrәkәtlәr gec-tez hamının diqqәtini çәkәcәkdi vә
gec-tez bu arxadaşlar bir-birini mәhv edәcәkdi. Elә dә
olmuşdu. Günlәrin bir günü ona xәbәr çatmışdı ki,
general Xesukristo Sançesi öz şәxsi mühafizәçilәri stulla
öldürmәyә mәcbur olublar, çünki sәn demә, Sançesi pişik
dişlәyibmiş vә onu quduzluq tutubmuş. Zavallı Sançes!
Bunun ardınca daha bir xәbәr yayıldı ki, general Lotario
Sereno çayda batıb. Deyilәnә görә, çayı atla keçәrkәn
qәfildәn ata nәsә olub vә yazıq at durduğu yerdә
kәllәmayallaq aşaraq, general Sereno gözünü açıb-
yummağa macal tapmamış, suyun dibinә gedib…
Bәdbәxtliyә bir bax! Bir qәdәr keçmiş, ayrı xәbәr dә
çıxdı: “General Narsiso de Lopes öz biabırçı homo sek -
suallığına dözә bilmәyib vә dinamiti bir yerinә soxaraq
özünü partladıb, mәnim generalım, özü dә tikә-tikә
olub!” Onların hamısı belәcә bir-birinin ardınca gedir, o
isә kәdәrli üzüylә hәr biri üçün: “Yazıq!” – deyirdi vә heç
kimin ağlına belә gәlmirdi ki, bütün bu qәfil ölümlәr
bilavasitә onun gizli әmriylә hәyata keçirilir. Hәr ölәn
haqqında rәsmi xәbәrlәrdә isә hörmәtlә mәlumat
verilirdi: “Vәzifә borcunu yerinә yetirәrkәn hәlak olub”.
Hәr biri dә xüsusi tәntәnә ilә milli qәhrәmanların qәbiris -
tanlığında dәfn edilirdi. “Qәhrәmansız vәtәn qapısız ev
kimi bir şeydir, senyor!”
“Müharibә illәrinin od-alovundan onunla çiyin-çiyinә
keçәn generallar dan bütün ölkәdә cәmi altısı qalanda isә
onların hamısını – ağac spirtini barıtla qarışdırıb içәn әn 69
tәhlükәli vә xәbis general Xasinto Alqarabia da daxil
olmaqla – bir nәfәr kimi öz ad gününә, prezident sara -