Page 67 - Patriarxın payızı

PATRİARXIN PAYIZI

da olsa, ortanın zir-zibilini tәmizlәmәyә çalışan Ben -
disyon Alvaradonun deyintisini qulaqardına vura-vura
bölüşdürdülәr. Federalistlәrin liberal hәrәkatının getdikcә
eybәcәr bir şeyә çevrildiyini, hәr şeyin dağılıb mәhv
olduğunu görәn yeganә adam – Bendisyon Alvarado
idi…
Federalistlәrin bu bayram әhvalından, yüksәk dövlәt
vәzifәlәrini kartda bölüşdürmәlәrindәn, fahişәlәri royalın
dillәri üstә uzatmaqlarından әsәbilәşәn Bendisyon onları
süpürgәylә dә qovub saray otaqlarından çıxara bilmirdi.
1
Alebastr amforalara bayıra çıxdıqlarını görәndә: “Yox,
senyor, bu sizin üçün unitaz deyil… amforadır, onu
dәnizin dibindәn tapıb çıxarıblar…” – deyәndә belә onlar
hırıldaya-hırıldaya öz işlәrinә davam edir, bu qәdim,
nadir qabları bulayıb eybәcәr vәziyyәtә salırdılar: “Ağzı
üstә yerә yıxdığımız ağaların acığına, senyora! Qoy
özlәrindәn amfora-mamfora düzәltmәsinlәr!” Onları heç
cür saxlamaq olmurdu – general Adriano Qusmanı Allah
saxlaya bilmәdiyi kimi. Prezidentliyinin onilliyi günü
generalın içib nә hoqqalar çıxardığı çox adamın
yadındaydı. “Heç ağlımıza da gәlmәzdi ki, o belә
hәrәkәtlәr edәr!” O gün o, yüngül parçadan qar kimi
ağappaq mundirdә, söz verdiyi kimi, silahsız-filansız
gәlmişdi. Onu mülki geyimli fransız mühafizәçilәri –
xarici legiondan çırpışdırdığı әsgәrlәr müşayiәt edirdi;
onların qucağı generalın Kayennadan nazirlәr vә saray
arvadları üçün gәtizdirdiyi hәdiyyәlәrlә dolu idi. Qusman
özü isә bir-bir hәr qadının әrinin qabağında әzilib büzülә-
büzülә hәdiyyәni tәqdim elәmәk üçün icazә istәyirdi. Bu
әdanı da ona fransızlar öyrәtmişdi, guya fransız
saraylarında belә elәyirdilәr.
Qadınların hәdiyyәlәri paylanandan sonra Adriano
Qusman zalın küncündәki mizin arxasında әylәşib
rәqslәrә tamaşa elәmәyә, başını yellәyә-yellәyә zövq 67

1 Amfora – yağ, çaxır saxlamaq üçün dolçayabənzər qulplu qab