Page 59 - Patriarxın payızı

PATRİARXIN PAYIZI

oxuyan, bir çimdik duzla cüzamlı yaralıları sağaldan,
iflicli xәstәlәri ayağa qaldıran, şәfqәt duzunun sirrini
bilәn adama oxşamırdı, onun haqqında bütün danışı -
lanlar, әlimizә keçәn mundirlәrinin ölçülәrindәn fәrqli
olaraq, bu adamın hәddindәn artıq möhtәşәm cüssәsindәn
xәbәr verirdi, mәnşәyinә gәlincә isә, bu barәdә bütün
mәlumatların vә qaynaqların mәhv edilmәsinә bax -
mayaraq, hamı bilirdi ki, o, aran adamıdı, çünki onda
bütün aranlılara mәxsus hakimiyyәt hәrisliyi vardı;
qәddar idarәçilik üsulu – daim qanıqara gәzmәsi dә buna
bir sübut idi, dәnizimizi bilәrәkdәn xarici dövlәtlәrә satıb
bizi ölü külünü andıran qupquru tozanağa bürünmüş
ucsuz-bucaqsız sәhrada yaşamağa mәhkum etmәsi dә;
şәxsi hәyatına qalanda isә deyirdilәr, saysız-hesabsız
sevgililәrindәn, daha doğrusu, yatdığı arvadlardan (әslinә
qalsa, bu qadınların heç birini o sevmәmişdi) beş mindәn
çox uşağı vardı vә bu uşaqlardan heç birinә ağıllı-başlı,
tamam-kamal adam demәk olmazdı, bu uşaqların heç biri
onun adını, soyadını daşımırdı, bircә Letisiya Nasa -
renodan olan oğlundan savayı; bu uşaq da, dünyaya
gәlәr-gәlmәz, general rütbәsi almışdı vә ilk övlad
hüququyla dairә diviziyasının komandanı vәzifәsinә
tәyin edilmişdi, o da ona görә ki, bu uşağı Letisiya
doğmuşdu, qalan uşaqlara gәlincә isә onların anaları belә
hesab edirdi ki, uşaq tәk bir anayla da kifayәtlәnә bilәr,
çünki o özü dә, digәr görkәmli despotların taleyinә uyğun
olaraq, atasının üzünü görmәmişdi, görüb tanıdığı bircә
anası Bendisyon Alvarado olmuşdu, bütün dәrsliklәrdә
dә yazılmışdı ki, Bendisyon da müqәddәs Mariya kimi,
yuxuda ikәn bakirә hamilәlik möcüzәsi ilә boylu olub vә
ali qüvvәlәr uşağın alnına möminlik taleyi yazıb, odur ki
hakimiyyәt zirvәsinә çatan kimi o, xüsusi dekretlә
Bendisyon Alvaradonu Vәtәn anası elan etmişdi, çünki
belә ana dünyada bircә dәnә idi… “Ona görә ki, lәnәt 59
şeytana, mәnim anamdır!” Əslindә isә bu, nәsli-kökü
bilinmәyәn, ağlasığmaz dәrәcәdә sadәlövh vә dağınıq