Page 55 - Patriarxın payızı

PATRİARXIN PAYIZI

görәsәn! Kimin әlinә nә keçdisә, elәmә tәnbәllik, budu
ha, sürütlәyib gәtirdi, tutuquşu gәtirәn kim, şokolad, quş
yumurtası daşıyan kim… daşıhadaşı… onlar da hәr şeyi
mәm nuniyyәtlә götürüb әvәzindә camaata öz zir-
zibillәrini soxuşdururdular, hәlә arada biri mәxmәr
cübbәsini bizim birimizlә dәyişmәk istәdi ki, aparıb
Avropada nümayiş elәtdirsin. Tәsәvvür elәyirsiniz,
mәnim generalım?” Ge neral çaşqınlıq vә hәyәcan içindә
duruxub qalmışdı, nә edәcәyini bilmirdi, bu qәribә işә
onun qarışmağı lazım idimi? Bu işlәrin ondan bir
asılacağı vardımı? Belәcә, çaşqınlıq vә hәyәcan içindә o,
prezident sarayına – öz yataq otağına qayıdıb sabahkı
günü gözlәdi; sabah tәzә açılacaq günün sübh şәfәqi hәr
şeyi aydınlaşdıracaqdı, onda sular durulacaq, ona
danışılan bütün bu mәşәqqәtin, әslindә, nә olduğu
bilinәcәkdi... amma pәncәrәni açanda gözünә, ilk
növbәdә, nә vaxtsa dәniz desantının limanda qoyub
getdiyi zirehli gәmi ilә bәrabәr, acıqlı dәnizin tәn
ortasında aramla yırğalanan üç karavella dәydi…

***
Onun ölüsünü yenә hәmin kabinetdә, elә hәmin
vәziyyәtdә, hәmin geyimdә, qriflәrin didib-tökdüyü
hәmin sifәtdә tapanda biz bir o qәdәr dә qoca deyildik ki,
meyitin birinci dәfә tapılanda eynilә bu cür, ya başqa cür
olduğunu yadımıza sala bilmәyәk, dәqiq bildiyimiz bu
idi ki, tәk bir ölüm xәbәri ilә ölәnin mәhz o olduğuna qәti
inanmaq olmaz, çünki әvvәllәr dә bir neçә dәfә belә
olmuşdu ki, hamıya mәlum olan aydın bir hәqiqәt onun
özünә aid olanda izaholunmaz anlaşılmazlığa, şahidlәrin
dәlil-sübutları isә boşboğaz söz-söhbәtә çevrilmişdi;
mәsәlәn, deyirdilәr, guya o kimәsә müsahibә verәndә
dәhşәtli sancılardan qıvrıla-qıvrıla kreslodan yerә yıxılıb,
ağzından da yamyaşıl öd köpüklәnib, yaxud danışırdılar 55
ki, Allah acıdilliyinә görә ona qәnim olub dilini qurudub
vә guya daha bircә söz belә deyә bilmir, tәkcә ağzını