Page 33 - Patriarxın payızı

PATRİARXIN PAYIZI

Bir neçә il әvvәl, axşamüstü, ovqatının tәlx vaxtı o,
bekarçılıqdan darıxıb üzüldüyündәn Patrisio Araqonesә
dәmir şahı atıb talelәrini öyrәnmәyi tәklif elәmişdi. “Pulu
ataq, – demişdi, – qartal üzü düşsә, demәk, birinci sәn
ölәcәksәn, o biri üzü düşsә, mәn”. Patrisio Araqones isә
püşk atmaqdan imtina edib demişdi ki, işdi, ölmәli olsaq,
bir yerdә ölәcәyik, pul atmağın da xeyri yoxdu, burada
udan-uduzan olmayacaq. “Bәyәm unutmusunuz? Axı
pulun hәr iki tәrәfinә prezidentin profili hәkk olunub”.
Onda general talelәri dominoda sınamağı tәklif etmişdi:
iyirmi oyundan çox udan sağ qalacaq. “Mәn razı, –
Patrisio Araqones demişdi, – böyük mәmnuniyyәtlә,
lakin bir şәrtlә, mәnim generalım! Mәnә sizi udmaq
hüququ veril mәlidir”. Bu hüquq ona verilmişdi vә oyun
başla mışdı. Əvvәllәr generalı udmaq qadağan edildiyinә
görә daim ona uduzan Patrisio Araqones iyirmi oyunun
iyirmisini dә dalbadal udmuşdu, bu iyirmi gәrgin
tutuşmanın üzüntüsündәn tәrlәyib soyuyan üzünü silib,
içini çәkәrәk: “Nә etmәli, mәnim generalım, tәәssüf ki,
mәn dә ölmәk istәmirәm...” – demişdi. Onda general
domino daşlarını sәliqәylә, sıra-sıra taxta qutunun içinә
yığa-yığa, şagirdә dәrs başa salan müәllim tәbiriylә,
özünün dә, әlәlxüsus da domino oyununa görә zorla
ölmәyә hәvәsi olma dığından, vaxtı çatanda öz әcәli ilә,
öz yorğan-döşәyindә, prezidentliyinin lap ilk günündәn
taleyini su lәyәnindәn oxuyan falçı qadının dediyi kimi,
yuxuda ölәcәyindәn hissә-hissә danışmışdı. “Amma bir
yandan baxanda, – demişdi, – yenә heç nә dәqiq deyil,
çünki anam Bendisyon Alvarado mәni ona görә doğ -
mayıb ki, gecә-gündüz suda çәngәllә yazılanları oxuyum.
Mәn hökm vermәk üçün doğulmuşam. Bir dә, mәn sәn
deyilәm, elә özümәm vә Allahına şükür elә ki, bunların
hamısı zarafatdı”. Vә onda bu zarafatın heç dә adi zarafat
olma dığı generalın ağlına belә gәlmәmişdi, yatsa, 33
yuxusuna da girmәzdi ki, yaxın bir vaxtda ölüm püşkü,
hәqiqәtәn, onlardan birinin payına düşәcәk. Elә dә oldu.