Page 31 - Patriarxın payızı

PATRİARXIN PAYIZI

yellәyir, ona әlvan rәngli soyuq meyvә şirәlәri gәtirib:
“İçin, sәrinlәyin, zati-alilәri…” – deyәn ucaboy,
qarabuğdayı qızlara kәdәrlә baxır, anasına demәk
istәdiyi, lakin deyә bilmәdiyini ürәyindә fikirlәşirdi: “Ey
mәnim әziz anam Bendisyon Alvarado, kaş bilәydin ki,
mәn daha bu dünyayla bacara bilmirәm, artıq
tükәnmişәm, canımı götürüb bu mәşәq qәtdәn, heç özüm
dә bilmirәm hara qaçmaq istәyirәm!..” Bu dinmәz-
söylәmәz ah-ufun әsl sәbәbindәn xәbәrsiz anası isә elә
bilirdi ki, oğlunu inildәdib içini çәkdirәn, onlara qulluq
edәn qaraşın qızlardı. Axşam düşәndә, şәhәrin işıqları
yanar-yanmaz, o, gizli yolla öz yerinә – sarayına qayıdır,
qaranlıq dәhlizlәrdәn oğrun-oğrun sivişә-sivişә,
qarovulun addım sәslәrinә diqqәt kәsildiyi mәqam,
qәfildәn üzbәüz çıxan qarovulun gümrah sәslә: “Hәr şey
qaydasındadır, zati-alilәri! Tam sakitlikdir!” – deyә
verdiyi hesabatdan dik atılırdı. General gözәl bilirdi ki,
qarovul bunu sadәcә vәzifә borcu kimi, qeyri-iradi edir,
onu da, özlәrini dә o sәbәbdәn aldadır ki, onlar da onun
kimi, nәdәnsә qorxurlar.
Bu elә bir gәrgin dövr idi ki, heç kәs özündә inam hiss
etmir vә hamı bir ağızdan yalandan deyirdi ki, hәr şey
qaydasındadır. Generalı rahat yaşamağa qoymayan, şan-
şöhrәt lәzzәtinә zәhәr qatıb hakimiyyәtin özündәn belә
iyrәndirәn dә mәhz elә bu inamsızlıq, bu anlaşılmaz xof
idi. Hәr şey dә hәmin o tarixi hadisәdәn sonra, hәmin o
әlamәtdar xoruz döyüşündәn sonra başlamışdı! Gecәlәr
quru döşәmәnin üstündә uzanıb, yuxusuzluqdan gözlәri
acışa-acışa, haradansa uzaqdan – kasıbların toyundan
eşidilәn musiqinin, nә vaxtsa onun yasında da belәcә
hәvәslә çalınacaq barabanların, gecә saat ikidә mәdәnlәrә
oğurluq mal daşıyan becid gәminin sahildәn uzaqlaşdıqca
verdiyi asta ayrılıq fitinin sәsinә, sәhәrәyaxın açılan
qızılgüllәrin kağızsayağı xışıltısına qulaq asır, bәdәnini 31
soyuq tәr basa-basa içini çәkir, bircә dәqiqә belә olsun