Page 183 - Patriarxın payızı

PATRİARXIN PAYIZI

…Atәşfәşanlığın rәngli fişәnglәrinә, kilsә zәnglәrinә,
Bendisyon Alvaradonun övliyalar sırasına daxil edilmәsi
şәrәfinә çalındığı qәlәbә marşlarına mәhәl qoymadan
dekretdә yer almış maddәlәrin yerinә yetirilmәsinә
şәxsәn özü nәzarәt edirdi ki, anasının müqәddәs ruhu bir
daha növbәti yalanın qurbanına çevrilmәsin. O, bütün
hakimiyyәti yenidәn öz әlinә aldı, atlaz әlcәkli incә
әllәriylә bu kobud cilovlardan möhkәm yapışdı. Camaat
bir vaxtlar olduğu kimi, kasıb komalara girib toyuqların
qırt oturuşuna, yaxud kәlçәnin axtalanmağına baxan
generalı pillәkәnlәrdә saxlayıb ondan nә zamansa şәhәrin
küçәlәrindә keçirilәn atçapma mәrasimlәrini, çuvaliçi
qaçış yarışlarını bәrpa etmәsini xahiş edir, o da bu
xahişlәri yerinә yetirirdi. Yenә, әvvәlki kimi, hәr işә özü
qarışır, kilsә әmlakının inventarlaşma aktıyla şәxsәn tanış
olmaqdan boyun qaçırmır, müsadirәnin gedişinә özü
rәhbәrlik edir, göz qoyurdu ki, göstәrişlәriylә onların
icrası arasında – dövlәt sәnәdlәrinin hәqiqәti ilә real
hәyatın dәyişkәn gerçәklәri arasında xırdaca boşluq belә
olmasın. Sonuncu vitse-kralın saya-hesaba gәlmәz
sәrvәtlәrini ikidibli çamadanlarda vә xüsusi mәharәtlә
tikilmiş korsajların altında gizlicә ölkәdәn çıxarmaq
istәyәn möhtәşәm kilsә icmalarının sürgünlәrinә dә
şәxsәn nәzarәt edirdi. Kasıblar qәbiristanlığında basdı -
rılan bu sәrvәtlәri uzun illәrin axtarışlarına baxmayaraq,
Federasiya uğrunda döyüşәnlәr dә tapa bilmәmişdi. Odur
ki belә bir әmr verildi: heç bir kilsә xadimi bir dәst alt
paltarı dәyişәyindәn savayı, ayrı ölkәyә yük apara
bilmәz; bundan başqa, onlara gәmiyә yalnız çılpaq,
anadangәlmә vәziyyәtdә minmәyә icazә verilirdi. Hamı
әmrә tabe oldu: heç nә qanmayan, yaxalarından әl
çәksinlәr deyә ömürlәrinin axırınacan çılpaq gәzmәyә
hazır olan kobud kәnd kahinlәri, dini dairәlәrin
malyariyadan heysizlәşmiş prefektlәri, mötәbәr, keçәl 183
yepiskoplar, onların ardınca qadınlar – minilmәmiş
madyan tәbiәtli, utancaq rahibәlәr, sәhralıqda tәrәvәz