Page 169 - Patriarxın payızı

PATRİARXIN PAYIZI

yoxdur. “Bütün ölkә sizin ixtiyarınızdadır, müqәddәs ata –
buyurun, baxın!” Əsgәrlәr qarşısında cavan, tәmiz
dәrilәrini nümayiş etdirmәyә gәlәn cüzamlılarla dolu
Apostolik nunsiaturada sәliqә-sahman işlәri aparılırdı;
müqәddәs Vitta rәqsindәn şәfa tapanlar, bu möcüzәyә
inanmayanlara, iynәlәri bir göz qırpımında necә sapla -
dıqlarını nümayiş etdirirdilәr; ruletka oyunundan
varlananlar bu uduşları, yuxularına girib, onlara uduş
nömrәlәrini qabaqcadan söylәyәn Bendisyon Alvarado
ilә әlaqәlәndirirdilәr; nunsiaturanın hәyәtinә izsiz-
soraqsız itәnlәrini axtaranlar, suda boğulanların meyit -
lәrini tapanlar, әvvәllәr acından günorta duran, indi isә
var-dövlәti başından aşanlar gәlirdi. Ardı-arası kәsil -
mәyәn bu izdiham bir vaxtlar kannibalları qoşalülәylә
mәhv edәn Uolter Reylicin qәdim tısbağa çanaqlarıyla
bәzәdilmiş kabinetinin içindәn keçib-gedir, burada oturan
eritreyalı isә heç kimdәn heç nә soruşmadan, heç bir
mükalimәyә girişmәdәn, hamıya ifadәsiz üzü ilә qulaq
asır, yüzlәrlә bәdәnin tәr iyinә, kabinetin havasızlığına
mәhәl qoymadan, ucuz siqaretlәrini bir-birinә calaya-
calaya, Bendisyon Alvaradonun müqәddәsliyinin
şahidlәrinin dediklәrini diqqәtlә vәrәqlәrә köçürür vә
danışanların hәr birini ya adını yazmağa, ya hansısa
işarәylә, yaxud barmağının iziylә imza atmağa mәcbur
edirdi. “Eynilә sizin kimi, mәnim generalım!” Hәrә öz
imzasını bacardığı kimi atıb hәmin dәqiqә otaqdan çıxır,
içәri bayaqkından heç nәyi ilә fәrqlәnmәyәn başqa birisi
daxil olur vә budur ha, başlanırdı: “Mәni vәrәm tutmuş -
du, müqәddәs ata!” – “Mәni vәrәm tutmuşdu…” – o biri
sözünün dalını gәtirәnәcәn eritreyalı yazırdı. “İndi isә
qulaq asın, görün, necә oxuyuram!” Bir başqası gәlirdi:
“Mәn kişilikdәn düşmüşdüm, müqәddәs ata! İndi isә
budur, baxın: sәhәr-axşam bu kökdә dә gәzirәm”. – “Mәn
kişilikdәn düşmüşdüm…” – eritreyalı silinmәyәn mürәk - 169
kәblә yazırdı ki, bu yazıları insanlıq tarixinin sonunacan
heç kim poza bilmәsin. “Mәnim qarnımda diri heyvan