Page 139 - Patriarxın payızı

PATRİARXIN PAYIZI

dılğır hindu kәndindәki ütük bir komaya dәyişәrdi… elә
bir yerә ki, orada heç kәs onu tanımasın, sayını özü dә
itirdiyi uzun-uzadı illәr boyu bu ölkәnin dәyişilmәz prezi-
denti olduğunu bilmәsin – bu onun çoxdankı arzusu idi.
Bununla belә, general Rodriqo de Aqilar hәr iki tәrәfi razı
salacaq kompromislәrә getmәk mәqsәdilә qiyamçılarla
onun arasında vasitәçilik etmәk niyyәtini bildirәrkәn
qәfildәn qarşısındakının – rәsmi qәbullarda mürgü döyәn,
olan-qalan ağlını da itirmiş miskin qoca yox, qәdim
dövrlәrdәn qalmış nәhәng, cәsur bizon olduğunu
anlamışdı… Belә ki, hәmin bu nәhәng vә cәsur insan
bircә an belә tәrәddüd etmәdәn Aqilara dirsәk göstәrib:
“Gәlә!.. – demişdi. – Elә şey yoxdu, mәn hakimiyyәtdәn
getmә yәcәm!” Onda Rodriqo de Aqilar qocaya bildir -
mişdi ki, mәsәlә gedib-getmәmәkdә deyil, “hamı bir
nәfәr kimi sizin әleyhinizәdir, mәnim generalım, hәtta
kilsә dә!” O isә yenә etiraz edib: “Gözümün belә beşi dә
aydın! Kilsә hәmişә hakimiyyәtdә olanın tәrәfindә olub!”
– deyә cavab vermişdi. General Rodriqo de Aqilar
deyәndә ki vasitәçilik zәruridir, çünki generallar artıq
qırx sәkkiz saatdır ki, mәşvәrәt elәyirlәrsә dә, öz ara -
larında razılığa gәlә bilmirlәr, o: “Dәxli yoxdu, qoy nә
qәdәr istәyirlәr boşboğazlıq elәsinlәr, özün görә cәksәn,
kimin daha çox pul verdiyini eşidәndә hansı qәrara
gәlәcәklәr!” – deyә cavab vermişdi. “Amma mülki mü -
x a lifәtin başçıları da maskalarını atıblar vә küçәlәrdә
açıq-açığına mitinq edirlәr!” – deyә general Rodriqo de
Aqilar son dәlilә әl atmışdı. O isә: “Lap yaxışı, әmr ver,
Armas meydanının hәr fәnәrindәn bir nәfәri assınlar, qoy
hamı görsün ki, güc kimin tәrәfindәdir!” – deyә cavab
vermişdi. “Bu mümkün deyil axı!.. – Rodriqo de Aqilar
etiraz etmişdi, – onların arxasında xalq dayanıb!” “Yalan -
dır, – prezident demişdi, – xalq mәnim tәrәfimdәdir, odur
ki buradan mәnim yalnız meyitim çıxa bilәr!” Vә 139
yumruğunu stola çırpıb yatmağa getmişdi. O, adәtәn, qәti
qәrar qәbul elәyәndә belә edirdi…