Page 81 - "Morelin ixtirası"

Morelin ixtirası

– Buraya bir stol və bir stul qoyun.
Digər stulları konfrans zalında olduğu kimi stolun
qarşısında sıra ilə düzdülər.
Hamı gəlib çıxanda gecə düşmüşdü. Azacıq səs-
küy eşidilir, kimsə maraqla nə isə soruşur, kimsə
digərinə gülümsəyirdi; ümumilikdə isə otaqda
yorğunluqdan qaynaqlanan bir sakitlik hökm sürürdü.
– Gərək hamı burada olsun, Morel dilləndi.
– Hamı gəlməmiş başlayan deyiləm.
– Ceyn yoxdur.
– Ceyn Qrey yoxdur.
– Təəccüblü deyil.
– Onu axtarıb tapmaq lazımdır.
– Bu saatda onu yataqdan kim qaldıra bilər ki?
– Onsuz olmaz.
– O yatır.
– Onu da burada görməmiş başlamaram.
– Gedim onu tapım, – Dora dedi.
– Mən də səninlə gedirəm, – qalın qaşlı cavan
oğlan ona qoşuldu.
Bu söhbəti sözbəsöz çatdırmaq istədim. Əgər
nə isə təbii səslənmirsə, demək, bu ya yazı qabiliyyə-
timin, ya da yaddaşımın zəifliyindən irəli gəlir. Hər
şey təbii davam edirdi. Bu insanlara tamaşa edən,
söhbətlərinə qulaq asan adam bir az sonra möcüzəvi,
qeyri-real bir hadisənin baş verəcəyini gözləməzdi
(baxmayaraq ki, hər şey uzun quyruqlu balıqların və
şibyələrin olduğu işıqlandırılmış akvariumun üzərində
baş verirdi).

81