Page 65 - "Morelin ixtirası"

Morelin ixtirası

tərəf qayıtdım. Orada da addım səsləri eşitdim.
Yemək otağında adamlar var idi. Vestibülə girdim,
açıq bir pəncərə gördüm; demək olar ki, eyni anda
bir tərəfdə İrene və o gecə xəyalətlərdən danışan
qadını, digər tərəfdə də qalın qaşlı cavan oğlanı
gördüm; əlində kitab mənə tərəf gəlir və ucadan
fransızca şeir oxuyurdu. Ayaq saxladım, sonra bir az
gərildim və cəld şəkildə aralarından sivişib çıxdım;
az qala onlara toxunmuşdum. Özümü pəncərədən
çölə tulladım və zərbə gücündən ayaqlarım ağrıya-
ağrıya (pəncərədən qazona qədər təxminən üç metr
məsafə var) dərə boyu aşağı qaçmağa başladım;
arxama baxmadan, yıxıla-yıxıla qaçırdım.

Özümə bir az yemək hazırladım. Acgözlüklə ye-
məyə başladım, amma iştaham tez qaçdı.

İndi demək olar, ağrıyan yerim yoxdur. Daha
sakitəm. Nə qədər absurd səslənsə də, düşünürəm
ki, bəlkə də, məni muzeydə görən olmadı. Gün sona
çatdı, amma arxamca gələn olmadı; bəxtimin bu
qədər gətirdiyinə inanmaq belə qorxudur adamı.

***
Əlimdə gəlmələrin ikinci dəfə peyda olmalarının
tarixini müəyyən etməkdə oxuculara yardımçı ola
biləcək bir fakt var: onların gəldiyi günün ertəsi
səmada iki ay və iki günəş göründü. Təbii ki, bu,
əraziyə xas bir fenomen də ola bilər; lakin çox güman
ki, bu, ay, günəş, dəniz və havanın xüsusi vəhdətindən
yaranmış bir miraj hadisəsidir və Rabulda da, bütün

65