Page 24 - "Morelin ixtirası"

lfo Bio Kasares

arasında qaldım (məni bayırdan görmək mümkün
idi, içəriyə kimsə girsəydi, ondan canımı qurtarmaq
üçün pəncərəni açmalı olacaqdım). Sonra özümü
toplayıb evi diqqətlə gəzmək istədim. Amma hələ
də təlaşlı idim, axı ətrafdan, müxtəlif məsafələrdən
aydın şəkildə gələn ayaq səslərini öz qulağımla
eşitmişdim.

Səhər tezdən bir daha zirzəmiyə endim. Ətra-
fımda, yaxında, aralıda yenə də həmin addım səslərini
eşitdim. Amma bu dəfə məsələnin nə yerdə olduğunu
başa düşdüm. Dilxor halda, əks-sədaların aramsız
müşayiəti ilə ikinci zirzəmini hərləndim. Burada eyni
cür doqquz – digər beşi də aşağı tərəfdədir – kamera
var; bombardman əleyhinə sığınacaqlara bənzəyirlər.
1924-cü ildə bu binanı tikənlər kimlər olub, görəsən?
Niyə buranı tərk edib gediblər? Hansı bombard-
mandan qorxurdular elə? Təəccüblüsü odur ki, bu
cür qəşəng tikilmiş evin mühəndisləri, yapma naxışlara
qarşı müasir mənfi rəyi o dərəcədə nəzərə alıblar
ki, adamı az qala dəli eləməyə qadir olan belə bir
sığınacaq da düzəldiblər: aldığın nəfəsin səsi iki-üç
dəqiqə ərzində yaxında, uzaqda əks-səda verir. Əks-
səda olmayan yerlərdə də yuxuda adamı tərpənməyə
qoymayan ağır bir sakitlik hökm sürür.

Diqqətli oxucu danışdıqlarım əsasında buradakı
az-çox qəribə olan əşyalar, vəziyyətlər və hadisələrin
siyahısını tuta bilər; bunlardan axırıncısı təpənin
hazırkı sakinlərinin meydana çıxmasıdır. Görən, bu
insanların 1924-cü ildə burada yaşayanlarla bir

24