Page 16 - "Morelin ixtirası"

lfo Bio Kasares

yoxlamaq mümkün olsun; belə ki, qoy söylədiklərimin
həqiqət olduğundan nə vaxtsa şübhə edəcək istənilən
adam bilsin ki, məni haqsız olaraq məhkum ediblər.
Bu yazını Leonardonun “Ostinato rigore”1 devizi al-
tında davam etdirəcək və buna əməl etməyə çalışa-
cağam.

***
Səhv etmirəmsə, bu adanın adı “Villinqs”dir və
Las Ellice2 arxipelaqına aiddir. Bunu xalça taciri Dal-
masio Ombrellieridən (İderabad küçəsi 21, Ramkriş-
napur qəsəbəsi, Kəlküttə) dəqiqləşdirə bilərsiniz.
Fars xalçalarına bürünüb gizləndiyim bir neçə gün
ərzində bu italyan məni yedizdirdi, sonra da bir gə-
minin anbarında gizlətdi. Bu gündəlikdə adını çək-
məklə onu ələ vermir və ona qarşı əsla nankorluq
etmirəm... Sağ qalanlar qarşısında müdafiə xarakterli
çıxışım heç kəsdə yeri qoymayacaq: istər gerçək
həyatda, istərsə də insanların yaddaşında – yəqin
ki, cənnət də elə oradadır – Ombrellieri haqsız yerə
məhkum olunan yaxınına mərhəmət etmiş birisi
kimi qalacaq və xatirəsi sona qədər iltifatla anılacaqdır.
Rabulda gəmidən endim. Tacirin vizit kartı ilə
Siciliyanın ən tanınmış şirkətlərindən birinin nüma-

1“Ostinato rigore” – İtaliya intibahının görkəmli nümayəndəsi Leonardo
da Vinçi tərəfindən özünün əmək fəaliyyətinə və intizamına münasibətdə
istifadə edilmiş deviz, latıncadan tərcümədə “sarsılmaz ciddilik, qətiyyət”
mənasını verir (tərc.).
2 Las Ellice – Sakit okeanda xırda adalar qrupu, 1892-1978-ci illərdə
Böyük Britaniya müstəmləkəsi olmuşdur, hazırda Tuvalu adını daşıyan
müstəqil dövlətdir. Əhalisi 12 min nəfər olub, dünyada dördüncü ən
kiçik ölkədir (tərc.).

16