Page 473 - U.S.Moem "Seçilmiş əsərləri"

Seçilmiş əsərləri

Cerald. Mənim Montqomeriyə doqquz yüz funt
borcum olduğunu ona dedik.

Rouz. Elə bilirdik, atam dünyanı qatıb-qarışdıracaq.
Cerald. Elə hay-küy salacaq ki, ölülər qəbirdən xort-
layacaq.
Rouz. Amma o, bir kəlmə də demədi.
Cerald. Sanki bu, ən xoş bir şeymiş.
Ledi Frederik (Əlləriylə qulaqlarını tutur). İlahi, sakit
ol, hər şeyi mənə ətraflı başa sal.
Cerald. Əzizim, təsəvvür eləyirsənmi, ürəyim necə
yüngülləşdi?
Rouz. Mən görürdüm ki, Ceraldı nəsə dəhşətli dərə-
cədə sıxır. Odur ki, həqiqəti ondan dartıb qopardım.
Cerald. Bu zalımın caynağından çıxmaq necə də
xoşbəxtlikdi.
Rouz. İndi biz rahat, xoşbəxt həyat sürərik.
(Bütün bu müddət ərzində admiral nəsə söz demək
istəyir, amma elə ağzını açan kimi kimsə onun sözünü kəsir.)
Admiral. Mumlayın. (O hıqqanır.) Ömrümdə belə
cütlük görməmişəm.
Ledi Frederik. Admiral, zəhmət olmasa, izah eləyin.
Heç nə anlamıram. Bu iki qəribə məxluq nəsə müəmmalı
danışır.
Admiral. Onlar yanıma gəlib dedilər ki, Montqo-
meriyə doqquz yüz dollar borcu olması haqqında Cerald
öz dilindən iltizam yazıb. O da həmin sənədlə sizi şantaj
eləyir.
Foulds. Doğrudan?
Ledi Frederik. Bəli.
Admiral. Mən bir dəfə də onun üzünü görməmi-
şəm. Amma sizin onunla nikaha girməyinizi tələb etdi-
yini, əks təqdirdə, Ceraldın bütün sənədlərini əlindən
alacağını eşidib biləndə dedim ki...
Foulds. Adamda əclaflığa bax!
Admiral. Siz haradan bildiniz?
Foulds. Özüm də belə deyərdim.

473