Page 477 - U.S.Moem "Seçilmiş əsərləri"

Seçilmiş əsərləri

Kapitan Montqomeri. Çox təəssüf edirəm ki, siz
burada gülmək üçün səbəb tapırsınız.

Ledi Frederik. Xeyr, səbəb yoxdu. Mənim fikrimcə,
həyasızlıq gülüşə səbəb ola bilməz.

Kapitan Montqomeri (Çaşqınlıqla). Nə, nə?
Ledi Frederik. Siz mənim qardaşımdan məktub
almısınız. Həmin məktub ən aydın cavabdı. Özünüz bil-
məliydiniz ki, mən qərarımı dəyişməyəcəyəm.
Kapitan Montqomeri. Hansı məktub? Başa düşmü-
rəm.
Cerald. Səhər borclu olduğum məbləğdə qəbzi də
həmin məktubun içinə qoyub sizə göndərmişəm.
Kapitan Montqomeri. Mən heç nə almamışam.
Cerald. Deməli, o məktub sizi mehmanxanada göz-
ləyir.
(Kapitan Montqomeri susub fikirli-fikirli ətrafdakılara
baxır.)
Ledi Frederik. Daha sizi saxlamaq istəmirəm.
Kapitan Montqomeri (Gülərək). Mən hələ hər şeyi
deməmişəm. Unutmamısınız ki, iki veksel üzrə ödəmə-
nin müddəti məhz bu gün tamam olur? İcazə verin, sizə
göstərim.
(Cibindən kağızları çıxarır.)
Ledi Frederik. Təəssüf ki, mən ödəmə apara bilmə-
yəcəyəm, ən azı bu gün mümkün deyil.
Kapitan Montqomeri. Amma mən gözləyə bilmə-
rəm. Ödəməli olacaqsınız.
Ledi Frederik. Bir də deyirəm, bu mümkün deyil.
Kapitan Montqomeri. Onda sizi məhkəməyə verə-
cəyəm.
Ledi Frederik. Özün bilən məsləhətdi.
Kapitan Montqomeri. Nəticəni təsəvvürünüzə
gətirirsinizmi? Adamın müflis elan olunmağında yaxşı
bir şey yoxdu.
Ledi Frederik. Hər halda, bu, hiyləgər sələmçinin
arvadı olmaqdan yaxşıdı.

477