Page 476 - U.S.Moem "Seçilmiş əsərləri"

yam Somerset Moem

Lakey. Kapitan Montqomeri sizi görmək istəyir.
Ledi Frederik. Onu tamam unutmuşam.
Cerald. Qoy onunla özüm danışım.
Ledi Frederik. Yox, mən daha ondan qorxmuram.
O daha sənin üçün təhlükə deyil. Qalan şeylər isə cəhən-
nəm olsun.
Cerald. Onda ona da deyəcəm, cəhənnəm olsun.
Ledi Frederik. Yox, hər şeyi özüm ona deyəcəm.
(Lakeyə) Kapitan Montqomerini bura çağırın.
Lakey. Oldu, miledi. (Çıxır.)
Ledi Frederik. (Yeyin addımlarla var-gəl edir.) Hər
şeyi özüm ona deyəcəm.
Foulds. Sakitləş, Betsi.
Ledi Frederik (Ritmik səslə). Sakitləşən deyiləm.
Foulds. Unutma ki, sən kübar xanımsan.
Ledi Frederik. Mane olma. Mən dünən ciddi qadını
oynayırdım. Bu rol mənlik deyil.
(Lakey daxil olub Kapitan Montqomerinin gəlişini xəbər
verir və ardınca kapitan Montqomeri daxil olur.)
Lakey. Kapitan Montqomeri. (Çıxır.)
Kapitan Montqomeri. Salam (Aydın görünür ki, o,
otaqda bu qədər adam olmasına heyrətlənib.)
Ledi Frederik (Xoş səslə). Burada əməlli-başlı ziya-
fətdi, eləmi?
Kapitan Montqomeri. Elədi ki, var. (Pauza). Ümid
edirəm, mənim belə erkən gəlişim sizə mane olmadı?
Ledi Frederik. Elə bir şey yoxdu. Siz görüşü onsuz
da birin yarısına təyin etmişdiniz.
Kapitan Montqomeri. Ümid eləyirəm, mənə yaxşı
xəbərləriniz var.
Ledi Frederik. Kapitan Montqomeri, sizin bura
nəyə görə gəldiyinizi buradakıların hamısı bilir.
Kapitan Montqomeri. Mənə elə gəlir, aramızdakı
məsələni çölə çıxarmağa lüzum yox idi.
Ledi Frederik (Çox nəzakətlə). Siz mənə evlənmək
təklifi eləmisiniz. Məgər burada utanmalı bir şey var?

476