Page 444 - U.S.Moem "Seçilmiş əsərləri"

yam Somerset Moem

Kapitan Montqomeri. Mən sizdən bir qadın kimi
yalnız cəmiyyətin tələb etdiyi öhdəlikləri yerinə yetir-
məyi xahiş eləyirəm. Bu, o qədər də çox deyil. Mənə
lazım olan ancaq sizin qəbullar təşkil etməyiniz, dost-
larımla səmimi davranmağınız, mənim özümlə ən azı
insanların gözü qarşısında xoş rəftar etməyiniz, lazım
olan yerlərə birlikdə yollanmağımızla məhdudlaşır.
Digər məsələlərdə siz tam sərbəstsiniz. Özünüz də görə-
cəksiniz ki, mən sizin bütün istəklərinizə diqqətli və
səxavətli olacam.

Ledi Frederik. Kapitan, heç özüm də bilmirəm,
sizin dediklərinizdən hansını ciddi qəbul eləyim. Dəqiq
olan ancaq budur ki, siz təklif üçün heç də münasib vaxt
seçməmisiniz. Axı mənim qardaşım sizə o qədər pul borc-
ludur ki, ürəyiniz istəyən an onu məhv edə bilərsiniz?

Kapitan Montqomeri. Nədən münasib vaxt deyil?
Ledi Frederik. Demək istəyirsiniz ki...
Kapitan Montqomeri. Sizinlə açıq danışacam. Mən
heç vaxt Ceraldın yolunda qaytarmağa azca da imkanı
olmayan bu qədər puldan keçməzdim. Amma əvvəl-
cədən güman elədim ki, bu halda sizin mərhəmətinizə
bel bağlaya bilərəm.
Ledi Frederik (Qətiyyətlə). Elə günü sabah Cerald
son penə qədər sizinlə haqq-hesab çəkəcək.
Kapitan Montqomeri (Mülayim tərzdə). Sizcə, o, bu
pulu haradan alacaq?
Ledi Frederik. Qəti narahat olmayın, bir şey fikirlə-
şərik.
Kapitan Montqomeri. Məncə, artıq bu səhər siz bir
uğursuz cəhd eləmisiniz.
Ledi Frederik (Diksinib). Necə?
Kapitan Montqomeri. Sabah həm də bir neçə vek-
sel üzrə ödənişinizi unutmamısınız ki?
Ledi Frederik. Bunu siz haradan bilirsiniz?
Kapitan Montqomeri. Mən axı sizə dedim ki, əgər
qarşıma məqsəd qoyuramsa, axıracan gedirəm. Siz Dik

444