Page 426 - U.S.Moem "Seçilmiş əsərləri"

yam Somerset Moem

Ledi Frederik. Birdən elə qənaətə gəldik ki, bir-
birimizdən zəhləmiz gedir. Onda gec olmayacaq ki?

Kapitan Montqomeri. Mənim bank hesabıma bax-
maq istəyirsinizmi? Onda məlum olacaq ki, mənim
əcdadlarım kifayət qədər uzaqgörən insanlar olublar.
Mənim imkanımı sevməmək olmaz.

Ledi Frederik. Şübhə eləmirəm, bu həddən ziyadə
maraqlıdır, amma mənim üçün yox.

(Getməyə hazırlaşır.)
Kapitan Montqomeri. Dayanın. Dayan görüm,
imtinanın səbəbi nədi?
Ledi Frederik. Əgər belə inad eləyirsinizsə, deyim.
Mən sizi qəti sevmirəm.
Kapitan Montqomeri. Siz bunu ciddi səbəb hesab
eləyirsiniz?
Ledi Frederik. Siz Ceraldın dostusunuz, özü də o,
sizin barənizdə yaxşı fikirdədir. Amma mən Ceraldın
bəyəndiyi hər adama ərə gedə bilmərəm.
Kapitan Montqomeri. O söz vermişdi ki, sizi yola
gətirəcək.
Ledi Frederik. Mən əgər bir də ərə getməli olsam,
qardaşımın yox, öz xoşuma gələni seçəcəm.
Kapitan Montqomeri. Ümid edirəm ki, hərəkət-
lərimlə sizin qərarınızı dəyişdirə biləcəm.
Ledi Frederik. Ağlım bir şey kəsmir.
Kapitan Montqomeri. Mən qarşıma nəsə məqsəd
qoyanda, adətən, ona çatıram.
Ledi Frederik. Bu artıq hədəyə oxşayır.
Kapitan Montqomeri. Necə istəyirsiz, qəbul edin.
Ledi Frederik. Deməli, siz mənimlə evlənməyə
israrlısınız?
Kapitan Montqomeri. Tamamilə doğrudur.
Ledi Frederik. Mən də buna yol verməməyə
israrlıyam. Deməli, başa-baş olduq.
Kapitan Montqomeri. Niyə axı qardaşınızla bu
haqda danışmayasınız?

426